DC BOMBOKO AANZA ZIARA KWENYE MASOKO

Posted on: August 15th, 2024

Manispaa ya Ubungo Ina jumla ya masoko 13 Ambayo yanachangia Moja kwa moja kwenye ukusanyaji wa mapato ya ndani ya Halmashauri ambayo yanapelekea ugatuaji makubwa wa huduma za jamii kwa wananchi

Kwa kutambua Hilo, Agosti 15, 2024 mkuu wa wilaya ya Ubungo Mhe. Hassan Bomboko ameanza ziara maalumu ya kutembelea masoko yote ya Manispaa ya Ubungo kufuatilia kero mbalimbali za miundombinu ya masoko hayo na ufanyaji kazi wa wafanyabiashara

DC Bomboko ameanza ziara yake kwa kutembelea soko la Shekilango ambalo ni soko maarufu kwa uuzaji wa kitoeo cha kuku ambapo kwa ujumla Lina jumla ya wafanyabiashara zaidi ya 1000 na kwa mwezi linakusanya ushuru wa shilingi milioni nne ambapo ni chini na makadirio ya kukusanya milioni 12 kwa mwezi

Awali akitoka taarifa ya soko Hilo mkuu wa idara ya viwanda na biashara Manispaa ya Ubungo Mary Mwakyosi ameeleza kuwa soko Hilo kwasasa lipo kwenye mpango wa ukarabati mkubwa utakaogharimu shilingi Bilioni Tano kutoka benki ya maendeleo ya Afrika

Aidha DC Bomboko ametembelea soko la big brother ambapo amepongeza ukusanyaji mzuri wa mapato katika soko Hilo na tayari ametoa maelekezo ya kufanyika tathmini ya kina ya maeneo yote ya ukarabati unaohitajika katika soko Hilo ikiwa ni pamoja na ujenzi wa choo kipya pamoja na shedi la kisasa

Nae mstahiki meya wa Manispaa ya Ubungo na diwani wa kata ya Ubungo Mhe. Jaffery Nyaigesha amewapongeza wafanyabiashara wa masoko hayo kwa kuendelea kuchapa kazi na kuchangia maendeleo ya Halmashauri Yao, na ameahidi kuwa Serikali kwa ujumla iko pamoja nao

Ziara hiyo ya ukaguzi wa masoko inaendelea Leo Agosti 16 kwenye masoko mengine ya Manispaa ya Ubungo