DC KHERI ATOA MAELEKEZO KWA MAKAMPUNI YA URASIMISHAJI

Posted on: September 10th, 2021

Yatakiwa kukamilisha kazi hiyo mapema

Wananchi wamechangia Jumla ya shilingi  bilioni 9.4 kwa ajili ya upimaji

Mkuu wa Wilaya ya Ubungo Mheshimiwa Kheri James amekutana na Makampuni ya Upangaji na Upimaji ardhi katika Wilaya hiyo ili kujadili changamoto zinazoyakabili makampuni hayo na kutoa maelekezo ya   kukamilisha zoezi hilo kwa wakati ili wananchi waweze kumilikishwa maeneo yao.

Mkuu wa Wilaya ameamua kufanya kikao hicho kutokana na wananchi wengi wa Wilaya hiyo  kutoridhishwa na mwenendo wa utendaji kazi wa makampuni hayo licha ya kuchukua *fedha kwa  wananchi shilingi bilioni 9.4 kwa ajili ya  kugharamia upimaji

Kutokana na hali hiyo, Mhe.Kheri ameyasisitiza makampuni hayo kufanya kazi  kwa haraka na  weledi  huku wakizingatia mikataba ya kazi yao ili mchakato wa utoaji hati ufanyike na wananchi wamilikishwe maeneo yao kwa mujibu wa sheria

"Kama Serikali ilivyowaamini na kuwapa kazi basi tunzeni hedhima hiyo Kwa kuhakikisha mnakamilisha mchakato wa urasimishaji ili Wananchi wapate hati miliki za maeneo yao" Mhe. Kheri

Akiwasilisha taarifa ya utekelezaji wa miradi  ya urasimishaji  katika  Wilaya, Afisa Ardhi wa Manispaa ya Ubungo Fadhili Hussein ameeleza kuwa wilaya *ina Jumla ya makampuni 19 ya upangaji na 18 ya upimaji yanayotekeleza kazi za urasimishaji katika Mitaa 60 ndani ya kata 11

Aidha, ameendelea kueleza kuwa Jumla ya viwanja *176,350* vilianishwa huku viwanja  vilivyopimwa na kuidhinishwa  ni  17,776

 Sawa na  asilimia 10  tu ambapo wananchi wamechangia shilingi mbilioni 9.4 Kwa ajili ya zoezi hilo.