DC KOMBA AKUTANA NA WADAU SEKTA YA MAZINGIRA NA UCHIMBAJI WA MCHANGA

Posted on: October 16th, 2023

Oktoba 16, 2023 mkuu wa wilaya ya Ubungo Mhe. Hashim Komba amefanya kikao kazi na wadau mbalimbali wa sekta ya mazingira na uchimbaji mchanga ili kujadili njia bora ya kutatua changamoto zilizopo na kuongeza ufanisi wa sekta hiyo

Hayo yekuja kufuatia kuwa na changamoto nyinginzinazoikumba sekta hiyo hali inayopelekea kuibuka kwa uhasama na vitendo hatarishi miongoni mwa wadau hao katika maeneo yao ya kazi hiyo

Awali akizungumza, Komba ametanabaisha kuwa mtandao wa uchimbaji holela wa mchanga kwenye mabonde mbalimbali ya Manispaa ya Ubungo ni mtandao mrefu sana ambao ametumia muda mwingi kufanya utafiti ili kujirisha mambo mbalimbali kuhusu sekta hiyo

"Sekta hii inakabiliwa na changamoto nyingi ambazo mimi binafsi nimefanya utafiti wa kutisha na kuzigundua changamoto hizo. Mpaka sasa nimefanya kazi yangu kwa asilimia 95 na hivi karibuni tutaitisha mkutana mwingine kwaajili ya kukabidhi ripoti kwa kikosi kazi cha mkoa" alisema Komba

Naye Ndg. Masele mwenyekiti wa mtaa wa Matosa kata ya Goba ameshauri kuwekwa kwa mikakati madhubuti ya utoaji wa elimu na uwezeshaji wa kamati za mazingira za mitaa ili kuifanya kazi ya kudhibiti uchimbaji holela kwa ufanisi mkubwa

Aidha DC Komba ametumia kikao hicho kutambulisha kikosi kazi maalumu (Task Force) ambacho kina jukumu la kukabiliana na vitendo vyote viovu katika sekta hiyo ikiwemo uchimbaji holela wa mchanga ikiwa ni pamoja na kuwakamata wanavunja sheria na kuwapeleka kwenye vyombo vya sheria