DC KOMBA ATATUA MGOGORO WA SINZA B

Posted on: October 29th, 2023

Kufuatia malalamiko ya  wananchi wa Mtaa wa Sinza B katika Kata Sinza unaodaiwa kuvamiwa kwa eneo la wazi lilipo mtaa huo maarufu kwa Sigara, Mkuu wa Wilaya ya Ubungo Mhe. Hashim Komba  amewaondoa wasiwasi wananchi hao kwa kueleza kuwa baada ya kujiridhisha eneo hilo limepangishwa kwa Chama Cha Mapinduzi kama ambavyo maeneo ya wazi yanapangishwa na wanalipa kodi  na sio wamemilikishwa kama ilivyokuwa inalalamikiwa na wananchi hao.

Mhe. Komba ametoa majibu hayo kwenye mkutano wa wananchi uliofanyika katika eneo hilo la wazi oktoba 29,2023 na kusema kuwa kwa mujibu wa mkataba wa upangishaji, mpangishwaji akijenga miundombinu yoyote awe tayari kubomoa kwa gharama zake pale Halmashauri itakapohitaji kuchukua eneo lake "hivyo hoja ya kusema eneo la wazi limevamiwa sio kweli bali limepangishwa"

Kuhusu hoja ya mtaa kuwa na eneo la kufanya shughuli za kijamii ikiwemo michezo Mhe. Komba ameelekeza kuwa shughuli za uuzaji magari katika eneo hilo isitishwe haraka na sehemu ya ofisi ya zamani iliyokuwa inatumiwa na mpangishwaji huyo ibomolewe baada ya kukamilika kwa ofisi mpya ili wanachi wapate nafasi ya kutumia eneo hilo kwa shughuli za kijamii ikiwemo michezo.

 "Niwapongeze wananchi kwa  kutaka kujua mjenzi wa eneo hili, hiyo inaonesha mnatambua wajibu wenu  wa kulinda mali za umma" aliopongeza Mhe.Komba 

Mhe .Komba aliendelea kusema kuwa , kutokana na  uvamizi wa maeneo mengi  ya wazi na vizimba vya maji katika wilaya ya Ubungo, baraza la madiwani  ilililazimika kuunda kamati maalumu ya kuchunguza maeneo hayo na kubainisha kuwa jumla ya maeneo ya wazi na vizimba 2061 vimevamiwa  na kwa sinza B jumla ya maeneo ya wazi 61 yamevamiwa na watu wanafanya shughuli mbalimbali wakiwemo waliojenga nyumba za kuishi.

Baada ya kukagua baraza likaamua kutambua maeneo na kuwatambua wanaotumia maeneo na kuwapangisha na kulipa kodi kwa Halmashauri na sio kumilikishwa.

Kwa mujibu wa ripoti ya kamati ya kutambua maeneo ya wazi  Hapa tulipo eneo hili la sinza B linatambuliwa kuwa mpangishwaji ni Chama cha Mapinduzi (CCM) kwa zaidi ya mika 20.