DC KOMBA AWAPONGEZA WENYEVITI NA WATENDAJI UBUNGO, ASISITIZA ULINZI NA USALAMA NI JUKUMU LA KILA MMOJA

Posted on: May 6th, 2023

- Ajenda ya ulinzi na usalama imezidi kupewa uzito mkubwa katika wilaya ya Ubungo ambapo mapema leo Mei 6, 2023 Mkuu wa wilaya ya Ubungo Mhe. Hashim Komba amefanya kikao kazi na wenyeviti wa mitaa yote, watendaji wa kata na mitaa pamoja na viongozi wa vikundi vya ulinzi shirikishi katika ukumbi wa hotel ya Rombo Green View

- Lengo kuu la kikao hicho ni kujadili namna bora ya kuzidi kuifanya wilaya ya Ubungo kuendelea kuwa wilaya tulivu yenye uhakika wa ulinzi na usalama wakati wote

- Aidha Mhe. Komba amesisitiza ushirikiano miongoni mwa wananchi kwakuwa ulinzi na usalama wa maeneo yetu unawategemea wananchi wenyewe kwa kutoa taarifa muhimu kwa vyombo vya dola ili kufanya udhibiti wa mapema wa vitendo vyovyote viovu

- Masuala mengine muhimu yaliyojadiliwa katika kikao hicho ni pamoja na namna ya kudhibiti uchafuzi wa mazingira, ufuatiliaji wa nyumba za wageni ambazo hazina vibali (Guest Bubu), kudhibiti kelele zilizopitiliza za sehemu za starehe pamoja na kudhibiti matumizi ya mihadarati ikiwemo bangi