DC KOMBA AZINDUA KAMPENI YA "KATAA UCHAFU, SAFISHA, PENDEZESHA UBUNGO"

Posted on: August 26th, 2023

Rasmi kampeni ya "Kataa Uchafu, Safisha, Pendezesha Ubungo" KAU -SAPEU" imezinduliwa Manispaa  ya Ubungo kwa lengo la kuweka mazingira safi na salama.

Akizindua kampeni hiyo  tarehe 26  agosti, 2023 iliyofanyika katika Kata ya Manzese Mkuu wa Wilaya ya Ubungo Mhe. Hashim Komba amesisitiza uondoaji wa taka katika maeneo yote kwa kuzingatia ulipaji wa pesa za taka ili magari yanayokusanya taka yaweze kuchukuwa taka kwa wakati na kila Mtaa kuzingatia usafi wa maeneo yao.

"Niwapongeze Kata ya Manzese kwa kuipokea vyema kampeni hii maeneo mengi tayari yamesafishwa". Alisema hayo Komba

Aliendelea kwa kusema kuwa taka ngumu nyingi zinazalishwa kwa wingi na haziondolewi kwa wakati sambamba na utiririshaji wa maji taka.

"Tusiruhusu magonjwa ya mlipuko yatokee, tukatae uchafu" 

Aliendelea kwa kusema kuwa, Katika kampeni hii kutakuwa na zawadi zitakazo tolewa kwa mwaka ambapo Pikipiki mbili zitatolewa, Pikipiki moja  kwa Mtaa utakaofanya vizuri na ya pili  mwenyekiti wa Mtaa.

Na kila baada ya miezi mitatu zawadi zitatolewa kwa mtaa utakaofanya vizuri wa kwanza shilingi 600,000/= wa pili 300,000/= na watatu 200,000/=

Na Kwa Mtaa ambao utafanya vibaya utapewa Bendera ambayo itasomeka "Balozi wa Uchafu Ubungo"

Nae, Mstahiki Meya Manispaa ya Ubungo  Jaffery Nyaigesha amepongeza kuanzishwa kwa  kampeni hiyo na kusisitiza ni lazima tupambane kukataa uchafu na sheria ya hakuna kutupa hovyo taka lazima ifuatwe.

"sheria hii lazima izingatiwe na ifatwe"  amesisitiza Mstahiki Meya.