DC UBUNGO AELEKEZA YAFUATAYO KUELEKEA MAADHIMISHO YA WIKI YA USAFI

Posted on: November 30th, 2021

Mkuu wa Wilaya ya Ubungo Mheshimiwa Kheri James Leo tarehe 30.12.2021 ameongea na vyombo vya habari na kutoa mwongozo juu ya wiki ya Usafi ambayo inaanza kuadhimishwa kuanzia kesho 1.12.2021, Maadhimisho hayo  yataenda Sambamba na Kauli mbiu ya SAFISHA, PENDEZESHA DAR - ES- SALAAM

Kuelekea katika  Maadhimisho hayo ambayo Kimkoa  yatafanyika tarehe 4.12.2021  Wananchi wote wa Wilaya ya Ubungo mnaelekezwa  kufanya  Usafi wa maeneo yenu kwa kuzingatia upandaji wa miti, maua, na kufagia maeneo yote yaliyowazunguka 

•Aidha Kheri amesema kuwa  Maadhimisho ya wiki ya  USAFI yatazinduliwa rasmi  Kiwilaya na Wilaya  ya Ubungo zoezi hilo litazinduliwa rasmi   kesho tarehe  1.12.2021 katika Kata ya Msigani- eneo la Msigani na   Kata zingine zote zitakuwa na uzinduzi katika maeneo  yaliyopangwa 

•Ubungo ni lango kwa jiji la dar es salaam  hivyo  ameagiza   wananchi wote wa Wilaya ya  Ubungo kuzingatia mazingira yaliyowazunguka yanakuwa SAFI  ili kupendezesha jiji na Maeneo yote kuwa Safi na  salama 

•Kila mfanyabiashara asafishe eneo linalozunguka biashara yake

•Maeneo yote ambayo wajasiriamali hawajaondoka kwenda kwenye maeneo rasmi waliyopangiwa wanaagizwa  kuondoka kwenda sehemu rasmi kwani  Utii wa Sheria bila shuruti ni Jambo jema. ameeleza hayo  Kheri

•Pia amewaomba Wadau wa Sanaa waendelee kuelimisha Umma kuhusiana na maswala ya USAFI hasa  kwa Kutumia ufundi wa kisanaa ili ujumbe uweze kuwafikia wananchi.