DC UBUNGO AFUNGUA KONGAMANO LA KIMATAIFA LA UKUSANYAJI NA UCHAKATAJI WA TAKA NGUMU

Posted on: May 23rd, 2022

Mkuu wa Wilaya ya Ubungo Mheshimiwa Kheri James mapema leo tarehe 23 Mei 2022  amemwakilisha Mkuu wa Mkoa katika  ufunguzi wa  Kongamano la Kimataifa la  ukusanyaji na uchakataji wa taka ngumu  lililofanyika katika ukumbi wa chuo kikuu Cha Dar Es Salaam

Akifungua kongamano hilo amewashukuru wadau,sekta binafsi,Serikali katika kuboresha usafi wa majiji na kubuni fursa za kuongeza thamani ya taka ngumu zinazozalishwa Kila siku

 Aidha amesema kuwa inakadiliwa jiji la Dar Es Salaam linazalisha taka zaidi  ya tani 5,600 kwa siku na uzalishaji wa taka ngumu unakua kwa asilimia 50-60  

Aliendelea kwa kusema kuwa, Nimefurahi kuona Taasisi na Mashiriika na vikundi mbalimbali vinaunga mkono juhudi za Serikali katika kuboresha mazingira na maisha ya wananchi hasa wa kipato Cha chini

"Viwanda vya kuchakata taka hutengeneza ajira kwa vijana na Wakina mama na kulifanya jiji letu kuwa Safi" Aliendelea kueleza kheri

Alikadhalika,  Makamu Mkuu wa chuo kikuu Cha Dar es salaam Proffesa William Anangisye  ameendelea kuwashukuru waandaaji wa kongamano hilo ambalo limekutanisha wadau mbalimbali , Maafisa wa Serikali na viongozi ambalo linalenga kuleta mazingira bora katika swala zima la   uchakataji wa taka ngumu ambao unaenda kuleta masilahi makubwa ikiwemo ajira  na kufungua fursa mbalimbali