DC UBUNGO AZINDUA MAENEO YA IBADA KITUO CHA MABASI CHA MAGUFULI

Posted on: February 25th, 2022

Mkuu wa Wilaya ya Ubungo aliewakilishwa na Afisa Utumishi Mkuu wa Manispaa ya Ubungo Selemani Kateti jana tarehe 25.02.2022 amezindua maeneo ya ibada katika kituo cha mabasi cha Magufuli kwa waumini wa kiislam na kikristo lengo ikiwa ni kuwapa fursa wasafiri na wanaofanya shughuli zao katika kituo hicho.

Kateti amezindua maeneo hayo leo kwenye swala ya ijumaa iliyofanyika katika kituo hicho amesema maeneo hayo yaliyopangwa kwa ajili ya kufanyia ibada yakatumike kwa malengo yaliyokusudiwa na si vinginevyo. 

“Yatumieni maeneo haya kwa ajili ya ibada za kawaida na sio shughuli nyinginezo yaani shughuli zote za msikitini zikafanyikie msikitini na shughuli zote za kanisa zikafanyikie kanisani na pasifanywe kuwa ni mahali pa kulala.” Alisema Kateti.

Aidha Kateti amewataka viongozi wa dini kuhamasisha waumini wao  kutoa ushirikiano kwenye mazoezi yote ya muhimu ya kiserikali ikiwemo zoezi la anwani za makazi na sensa wanapoendesha ibada zao misikitini na makanisani ili kufanikisha mazoezi hayo muhimu kwa maendeleo ya Taifa.