DC UBUNGO AZUNGUMZA NA LATRA.

Posted on: February 28th, 2025

Mhe. Mkuu wa Wilaya Ubungo Mhe. Lazaro Twange amezungumza na viongozi kutoka  Mamlaka ya Udhibiti wa Usafiri Ardhini (Latra) ili kupata utatuzi wa changamoto mbalimbali zinazowakabili Wamiliki wa Mabasi Ikiwa ni pamoja na mabasi ya Abiria kutokuanzia Safari stendi ya Magufuli hivyo kuchochea upotevu wa Mapato ya Halmashauri.

Mkurugenzi Mkuu kutoka Mamlaka ya Udhibiti wa Usafiri Ardhini (Latra)  Ndg. Habibu Suluo  amesema wana taarifa na Jambo hilo, wao kama Mamlaka wapo tayari kushirikiana na Manispaa ili kuweza kutatua changamoto hiyo kwa kuweka sheria na taratibu mbalimbali zitakazo weza kusaidia. 

Lakini pia wameshauri Uongozi wa Manispaa kujikita zaidi kwenye Matumizi ya mifumo ili kisaidia kupata taarifa za Mabasi yanayoingia na kutoka.

Aidha DC Twange ameagiza kuwepo kwa kikao na wadau wa mabasi ili kukumbushana mambo mbalimbali ikiwa ni pamoja na utumiaji wa Stendi ya Magufuli. 

 "mabasi yote yakiingia Stendi ya Magufuli hii itasaidia wafanyabishara waliopo mule ndani kufanya biashara zao kwani wateja wao ni abiria wa mabasi hayo" alisema Twange