ELIMU DHIDI YA UKATILI WA KIJINSIA YATOLEWA KWA WANAFUNZI WA SHULE YA MSINGI UPENDO

Posted on: May 27th, 2024

Wanafunzi wa Shule ya Msingi Upendo iliyopo Mbezi katika Kata ya Mbezi wamepewa elimu dhidi ya ukatili wa kijinsia lengo likiwa ni kuwajengea uelewa namna ya kuepukana na matendo yasiyo stahili

Akitoa elimu kwa wanafunzi hao tarehe 27 Mei, 2024 Eveta Massawe Mkuu wa Dawati la Jinsia  kituo Cha Magufuli  amewaeleza watoto hao  namna ukatili wa kijinsia ulivyo na madhara makubwa kwa watoto wa jinsia zote wa kike na kiume na kupelekea kuhatarisha maisha  yao  ikiwemo magonjwa na kushindwa kumaliza masomo

Aliendelea kuwasisitiza juu ya kuepukana na makundi, marafiki wasio na maadili na kuwaelimisha umuhimu wa kulinda Afya zao kwa kuacha ngono zembe

"Ukatili wa kingono ni hatari, epuka mtu anayekutamkia maneno yasiyo stahili, aliendelea Kuwataka wanapoona mtu anaewashawishi kufanya matendo hayo aripoti haraka kwa walimu, polisi na wazazi". amewasisitiza Eveta

Mkawe mabalozi wazuri wa kutoa elimu kwa wengi dhidi ya matendo maovu ya ukatili wa kingono ambayo yanatokea katika jamii na unapoona rafiki yako anafanya matendo yasiyo mazuri toa taarifa. Aliendelea kuwasisitiza  Eveta

Nae Afisa Ustawi kutoka Kituo Cha Afya Mbezi  Makia Editha amewataka wanafunzi hao kuachana na watu wanaowadanganya njiani kwa kuwapa nauli na kuwalazimisha kuwapa lifti

Aliendelea kuwasisitiza wanafunzi hao kuhakikisha wanaomba mahitaji yao kutoka kwa  Wazazi wao kwani ndio  wanaostahili kuwapa na sio vinginevyo, Kama una shida na chochote waambieni wazazi watawatimizia mahitaji yenu.