FANYENI KAZI, MSIJALI MASILAHI BINAFSI" ~ CHALAMILA

Posted on: May 1st, 2025

Mkuu wa Mkoa wa Dar es Salaam Mh. Albert Chalamila amewataka Wafanyakazi wa taasisi za umma na binfasi kufanya kazi kwa bidii huku wakizingatia maslahi mapana ya taifa.

Chalamila ameyasema hayo  Mei 1, 2025 wakati akihutubia mamia ya Wafanyakazi waliojitokeza katika viwanja vya Tanganyika Packers, Kawe katika kilele cha siku ya Wafanyakazi Duniani.

Akizungumza na wafanyakazi hao, amewataka kulinda taswira ya nchi kwa kufanya kazi kulingana na mipaka na Maelekezo wanayopewa.

Aidha amewataka kuiishi kaulimbiu ya mwaka huu inayohamasisha wananchi kushiriki katika uchaguzi mkuu utakaofanyika Mwezi Oktoba Mwaka huu.