GOBA YAJITOKEZA KUCHANGIA DAMU

Posted on: June 24th, 2023

Wananchi wa Goba wajitokeza katika zoezi la uchangiaji Damu kwa watu wenye mahitaji. Zoezi hilo lililoandaliwa na Hananja Compassion Foundation kwa kushirikiana na Manispaa ya Ubungo limefanyika leo Juni 24, 2023 katika eneo la Goba Center likiongozwa na Mkuu wa Wilaya hiyo Mhe. Hashim Komba ambaye ndiye aliyekuwa mgeni rasmi.

Akifungua zoezi hilo Mkuu wa Wilaya hiyo alianza kwa kuwaita watu wote waliojitokeza katika uchangiaji huo kama "Wadau wa kuokoa maisha ya wenzao kwa kuchangia Damu". Aliwashukuru sana kwa upendo huo wa kujitolea. Zoezi hilo lilikuwa likihusisha watu wote. Aliongeza kuwa zoezi lijalo litakuwa maalumu na litakuwa na awamu mbili, ambapo awamu ya kwanza itahusisha Vikundi vya mazoezi (Jogging) na awamu ya pili itakuwa kwa waendesha Bodaboda na Bajaj. Awaomba muda ukifika wajitokeze kwa wingi.

Naye Katibu Tawala wa Wilaya hiyo Ndg. Hassan Mkwawa aliwashukuru wachangiaji wote katika zoezi hilo kwa kuunga mkono juhudi za Serikali za kuokoa maisha ya watu kwa kuchangia Damu.

Mchungaji Richard Hananja ambaye ni muanzilishi wa Hananja Compassion Foundation amewasifu watu wa Goba wameonyesha moyo wapekee sana, waelewa na wanathamini. Wameonyesha moyo wa kuthamini. aliwashukuru sana kwa moyo huo.