HALMASHAURI KUU YA CCM YAFURAHISHWA NA UTEKELEZAJI WA ILANI

Posted on: October 1st, 2023

Mkutano wa Halmashauri kuu ya Chama cha Mapinduzi(CCM)umefurahishwa na  utekelezaji mzuri wa Ilani kwa kusimamia vyema miradi mbalimbali ya maendeleo inayotekelezwa na Halmashauri ya manispaa ya Ubungo

Akitoa pongezi hizo Mwenyekiti wa chama cha Mapinduzi Wilaya ya Ubungo Ndg, Rogath Mbowe alimpongeza Mkuu wa Wilaya kwa kuwasilisha vyema ilani na utekelezaji mzuri wa ilani na pia amekuwa na ushirikiano mkubwa na viongozi wa chama na kumpatia zawadi ya shilingi Milioni 1.

Mbowe Aliendelea kusema kuwa, Mkurugenzi nikupongeze kwa kukupa zawadi ya shilingi laki 5 umesimamia vyema utekelezaji wa miradi na uliweza kutatua changamoto kwa haraka 

Akiwasilisha taarifa ya utekelezaji wa ilani ya chama cha mapinduzi kwa kipindi cha Januari - Juni 2023 Mkuu wa Wilaya ya Ubungo Mhe.Hashim Komba alisema kuwa wingi wa watu waliopo wilaya ya Ubungo kwa mujibu wa sensa ya mwaka 2022 ni 1,086,912 ambapo wanaume ni 519,925 na wanawake ni 566,987

Alizungumzia hali ya ulinzi na usalama kwa Wilaya ya Ubungo ni salama na Serikali itaendelea kuhakikisha Wilaya inakuwa salama muda wote.

Na pia uhusiano uliopo kati ya chama na Serikali ni mzuri na ushirikiano unaotolewa ni mkubwa niendelee kumshukuru mwenyekiti wa chama Wilaya ya Ubungo kwa ushirikiano huo na pia baraza la madiwani, Wabunge,  Mkurugenzi na watumishi wa Halmashauri

Aliendelea kwa kusema kuwa, hali ya uchumi katika wilaya ya ubungo  ni nzuri na kwa kuhakikisha hilo  usimamizi wa makusanyo katika vyanzo vya mapato unasimamiwa 

vizuri na kwa mwaka wa fedha 2022/2023 Manispaa ya Ubungo ilifanikiwa kukusanya  bilioni 31 

Katika utekelezaji wa miradi Wilaya ya Ubungo imefanikiwa kuwezesha sekta ya afya kwa ujenzi wa vituo wa vya afya Goba, Makuburi n.k na pia sekta ya  elimu ambapo kumekuwa na sera ya elimu bila malipo na utekelezaji wa ujenzi wa miradi ambayo Serikali Kuu ilitoa fedha ikiwemo miradi ya Boost na Sequip upo vizuri, 

Halikadhalika Utekelezaji wa miradi ya mtandao wa barabara ambapo barabara ya king'ongo, maji tayari ujenzi wa tanki la maji la mshikamano umemalizika na uboreshaji wa masoko umefanyika ikiwepo soko la Simu 2000

pichani ni Mkuu wa Wilaya ya Ubungo  Mhe. Hashim Komba akisoma taarifa ya utekelezaji wa Ilani