HALMASHAURI YA JIJI LA DODOMA YATEMBELEA UBUNGO

Posted on: April 15th, 2024

Wageni kutoka Halmashauri ya Jiji la Dodoma wakiwemo Madiwani na wataalamu wa  Halmashauri hiyo wamefanya ziara yakutembelea Manispaa ya Ubungo lengo likiwa ni  kujifunza namna Ubungo inavyokusanya mapato na uendeshaji wa Kituo cha mabasi cha Magufuli

Wageni hao pia wametembelea kiwanda cha kuchakata taka Xin Li packaging material kilichopo Mabibo na kujionea Taasisi ya utunzaji wa Mazingira Hudefo inavyofanya shughuli zake za uzalishaji bidhaa kwa kutumia takataka

Akiwakaribisha  tarehe 15 April, 2024 Mstahiki Meya Manispaa ya Ubungo Mhe. Jaffari Nyaigesha amesema kuwa Ubungo imefarijika kwa ujio wao na kuwaelezea namna Manispaa ya Ubungo imekuwa ikikusanya na kusimamia mapato kwa ufanisi na namna inavyoendesha Kituo cha mabasi katika ukusanyaji wa mapato

Akisoma taarifa ya kituo cha Mabasi Magufuli Meneja wa  stendi hiyo Isihaka Waziri amesema kuwa makusanyo katika Kituo hicho kwa mwaka wa fedha 2023/2024 mpaka kufikia Machi 31 imekusanywa kiasi cha shilingi 3,339,414,206/= ambapo Manispaa imekadiria kukusanya kiasi cha shilingi 6,000,000,000/= kwa mwaka mzima.

Isihaka aliendelea kusema kuwa, makusanyo hayo  yanatokana na vyanzo mbalimbali ikiwemo mageti ya mlangoni ya kieletroniki ambayo kila mtu anayeingia katika stendi hiyo analipia kiasi cha shilingi 300na vyanzo vingine vinavyotumika kwa ajili ya kukusanya mapato ni pamoja na ushuru wa bodaboda, bajaji, tax, magari binafsi, mabasi, matangazo n.k

Nae Mkuu wa kitengo Cha usimamizi wa taka Ngumu na Usafi waazingira Manispaa ya Ubungo Lawi Bernad amesema kuwa, katika Manispaa hiyo Uzalishaji wa taka kwa siku ni takribani tani 828 na taka hizo nyingi zinazalishwa kutoka majumbani na Halmashauri imeendelea kuhakikisha taka hizo zinakusanywa na kupelekwa dampo

Aliendelea kueleza kuwa, Wazabuni wanaotumika katika uzoaji wa taka hizo ni wale ambao wapo katika Kata na Mitaa husika lengo ni kurahisisha uzolewaji wa taka hizo kwa wakati.

Akishukuru kwa niaba ya madiwani hao kutoka Dodoma jiji naibu Meya Asma Karama ameishukuru Manispaa ya Ubungo kwa mapokezi na kueleza namna walivyojifunza mengi kuhusu namna mfumo mzima wa mapato katika Kituo Cha Magufuli