HITIMISHO LA ZOEZI LA ARDHI CLINIK UBUNGO, HATI 1692 ZATOLEWA.

Posted on: December 14th, 2023

Ikiwa ni siku ya mwisho ya zoezi la ardhi Clinic katika Wilaya ya Ubungo lililofanyika katika viwanja vya Kimara stopover kwa siku 28 kwa awamu ya kwanza ambapo jumla ya hati 1692 zimetolewa sawa na asilimia 89.2 ya lengo kwa awamu ya kwanza iliyolenga kutoa hati 1898.

Akifunga zoezi hilo Mkuu wa Wilaya ya Ubungo Mhe. Hashim Komba amesema kuwa, katika kuhakikisha utatuzi wa swala la urasimishaji kwa wananchi wa ubungo linafanyika na kuindoa sintofahamu kwa wananchi ili kila mwananchi awe na umiliki wa aridhi zoezi litaendelea katika mitaa ambapo mitaa 10 ya kwanza zoezi hilo litafanyika kuanzia jumatatu na mitaa hiyo ni kibamba,golani,mpigi magoe, Kibangu, makabe,tegeta A, malamba mawili, luis,Hondogo na mji mpya

Na mitaa hiyo kumi ni kwaajili ya utambuzi,upangaji,upimaji na umilikishaji na tumeangalia wananchi walio katika hatua ya awali tuwakwamue pia. Alisema hayo Komba

"Tunafanya hivyo ili zoezi litakapo malizika katika mitaa mahema yawekwe tena kwaajili ya wananchi kujipatia hati miliki" alieleza komba

Na kwa wananchi wa mtaa wa baruti ni lazima tuweke kikao nao ili tuweze kutafuta suruhu la eneo hilo na kwa mitaa mingine inayobaki huduma itawafikia

Nae, Mratibu wa zoezi la ardhi clinik Mkoa wa Dar es Salaam Ndg.Mswani Laurent Alielezea mafanikio ya zoezi hilo pamoja amesema kuwa katika utekelezaji  wa mradi huo jumla ya maombi ya hati 1898 yalipokelewa lakini jumla ya  hati 1692 zimetolewa kwa wananchi  sawa na asilimia 89.2.

Aliendelea kueleza kuwa kupitia mradi huu, Serikali imefanikiwa kuingiza mapato kupitia ada na tozo kiasi cha shilingi milioni 367 na hati 552 zimetolewa kwa jinsia ya ME ,Hati 328 kwa jinsia ya kike, hati 93 kwa umiliki wa pamoja yani mke na mume ,hati 17 kwa makampuni,hati 8 kwa Taasisi mbalimbali. 

Changamoto mbalimbali za ardhi ambapo jumla ya  migogoro 798 ilitakiwa kufikiwa lakini  jumla ya changamoto 528 zimepatiwa majibu ,105 zinaendelea kufanyiwa kazi na 165 ni changamoto ambazo zinaendelea kufanyiwa kazi katika vyombo vya sheria.