HONGERA MANISPAA YA UBUNGO KWA USHINDI WA KISHINDO KATIKA MAONYESHO YA NANENANE

Posted on: August 8th, 2020

Tarehe 8/8/2020 katika kilele cha maadhimisho ya maonyesho ya nanenane  Manispaa ya Ubungo imeibuka mshindi wa  pili kimkoa na nafasi ya  tatu kwa kanda ya Mashariki inayojumuisha mkoa wa Tanga, dar, pwani na morogoro.

Katika maadhimisho hayo ya nane nane wageni wamekuwa wakipewa elimu kuhusiana na mambo tofauti tofauti kama,

Urutubishaji wa udongo kwa njia za asili kwa kutumia pumba za mpunga, pumba za mbao, majani makavu na mbolea za wanyama

Pia Mtambo wa kutoa chumvi kwenye maji ambao hautumii umeme na Shamba la asili la dawa linalolimwa kwa njia ya asili kwa kutumia mimea ya asili.

Gesi inayotokana na kinyesi cha  binadamu na wanyama na mimea na majiko yanayotumia nishati ya makaratasi.

Sambamba na hayo Mashine za kuzalisha umeme kwa njia ya upepo ambazo zinaitwa (Windmill generator) pia mashine ya kuvuta maji (windmill water  pampu) na windmill complesa mbayo inaendeshwa na upepo

Nae mmoja wa wakulima Laurian Adolf aliendelea kuonyesha ubunifu wake wa  nishati ya magogo ya karatasi kwaajili ya kuendesha viwanda kama viwanda vya tumbaku, viwanda vya  kukausha samaki na viwanda vya ukaushaji wa mazao.

Kivutio kingine kizuri  katika maonyesho hayo kumekuwa na bwawa kubwa  la samaki, ng'ombe mwenye uwezo wa kutoa lita 16 kwa siku na mifugo mbalimbali kama sungura  n.k