HOSPITALI YA SINZA PALESTINA YAIBUKA MSHINDI WA TATU KATIKA UTOAJI WA HUDUMA BORA ZA AFYA MWAKA 2025 KWA NGAZI YA HOSPITALI ZA WILAYA

Posted on: April 8th, 2025

Hospitali ya Sinza Palestina iliyopo Halmashauri ya  Manispaaa ya Ubungo imetunukiwa Tuzo ya kuwa Mshindi wa Tatu katika utoaji wa huduma bora za Afya kwa mwaka 2025 kwa kundi la Hospitali za Wilaya zote nchini. 

Tuzo hiyo imetolewa jana aprill 8, 2025 na Wizara ya Afya katika hafla za kilele cha Wiki ya Afya kitaifa mwaka 2025 iliyofanyika katika ukumbi wa Mikutano wa  Jakaya Kikwete Jijini Dodoma. 

Hospitali ya Sinza Palestina imetunukiwa Tuzo hiyo baada ya mchakato wa kuzishindanisha Hospitali zote za wilaya hapa nchini na kuibuka Mshindi katika mchakato huo ulioendeshwa na kusimamiwa na Wizara ya Afya na kisha kuzishinda Hospitali zote za Wilaya hapa nchini kwa kutoa huduma bora za Afya. 

Akitambulisha Tuzo hizo Mganga Mkuu wa Serikali Dkt. Grace Magembe amesema kuwa katika maadhimisho ya Wiki ya Afya kwa mara ya kwanza Kitaifa limefanyika tukio la kuwatia moyo na kutambua mchango mkubwa wa watoa huduma za Afya kuanzia ngazi za msingi hadi Taifa na kuendesha mchuano kwa kushirikiana kati ya Wizara ya Afya na Ofisi ya Rais TAMISEMI ili kupata Hospitali zilizofanya vizuri.

Dkt. Magembe anasema katika mchakato wa kuzishindanisha Hospitali waliangalia kiwango cha utoaji huduma za Afya na "Customer Care" na kuona namna Wagonjwa wanavyoridhishwa na huduma, lakini pia vigezo vya huduma za lishe na Ustawi wa jamii, uwajibikaji, usafi wa Mazingira, upatikanaji wa Dawa, Vifaa na Vifaa tiba na kiujumla ubora wa huduma za Afya ambazo zinatolewa na Hospitali na hatimae Hospitali ya Sinza kuibuka mshindi.

Tuzo hizo zilitolewa na Mhe. Waziri wa Afya kwenye siku ya kilele cha maazimisho ya wiki ya Afya kitaifa