IDARA YA AFYA TAMISEMI YATEMBELEA MIRADI YA MAENDELEO YA AFYA MANISPAA YA UBUNGO

Posted on: February 17th, 2022

Leo tarehe 17 April 2022, Manispaa ya Ubungo imetembelewa na viongozi wa Idara ya Afya Tamisemi lengo ikiwa ni kukagua miradi ya maendeleo ya afya inayotekelezwa na Manispaa hiyo.

Katika ukaguzi huo viongozi hao wametembelea Mradi wa ujenzi wa kituo kipya cha Afya cha Goba, Kituo cha Afya cha Kimara, Hospitali ya Wilaya ya Ubungo iliyopo Kimara baruti, Kituo cha Afya cha Sinza na Kituo cha Afya cha Makuburi.

Akiongea kiongozi wa kutoka Idara ya Afya Tamisemi anaesimamia miradi ya afya Dr Sonda Shabani ameipongeza Manispaa hiyo kwa namna inavyotekeleza miradi hiyo kwa ufanisi na kuvutiwa zaidi na Kituo cha afya cha Kimara jinsi kilivyoweza kujengwa kwa ufanisi. Na kuzingatia usafi.

Dr Shabani amewahasa wauguzi wa vituo hivyo kufanya kazi kwa moyo na kwa kuwajali wagonjwa kwani majengo hayo mazuri ambayo viongozi wa Manispaa hiyo, (Mkurugenzi na Mkuu wa Wilaya) wanapambana kuyajenga lazima yaendane na hudumu bora zinazotolewa na wahudumu hao.

Aidha katika zoezi hilo viongozi hao wamependekeza yafuatayo; miongoni mwa kamati zilizopo kwa kila mradi iongezwe kamati ya kutunza na kutoa vifaa vya mradi, mpango kazi wa mradi ambao unahuishwa mara kwa mara, Kuwepo kwa file na ratiba ya vikao, na kuandaa maeneo yote yenye kutarajiwa kuwepo kwa  mradi.

Aidha Viongozi hao wamewataka waandisi kuhakikisha wanazingatia ramani katika miradi hiyo, Pia wameshauri kujengwa majengo ya ghorofa kwa kituo cha afya cha sinza na wameshauri wananchi watangaziwe kwenda kwenye vituo vya afya vilivyopo karibu na makazi yao.

Mkuu wa Wilaya ya Ubungo Mh Kheri James amewashukuru viongozi hao kwa kuitembelea Manispaa hiyo na kuwapongeza wote walioshiriki zoezi la usimamizi wa miradi hiyo na amewahasa kuendelea kufanya kazi kwa umoja ili kutekeleza vyema miradi hiyo.