JUMLA YA HATI 283 ZIMESHATOLEWA KWENYE ARDHI CLINIC

Posted on: November 15th, 2023

Tangu siku tatu zipite toka kuzinduliwa kwa  zoezi la utoaji wa hati milki za ardhi kupitia programu ya  Ardhi Clinic lililozinduliwa tarehe 13/11/2023  Wilaya ya Ubungo Imefanikiwa kutoa jumla ya hati 283 na migogoro ya ardhi 69 imetatuliwa na zoezi hilo linafanyika katika viwanja vya Stopover.

Hayo yameelezwa na Mratibu wa zoezi  la urasimishaji Manispaa ya ubungo Ndg. John Ilomo ambapo  amewapongeza wananchi waliojitokeza kwa muitikio na ushirikiano ambao  wanaouonyesha katika kuchukua hati zao na kuwaomba waendelee kujitokeza kwa wingi.

"Mpaka sasa tumefanikiwa kutoa hati  hii inaonesha kuwa wananchi wameelewa na wameitikia  wito kufika kwenye viwanja hivi kwaajili ya kujipatia hati, hakika wananchi wameelewa kuwa serikali imewasogezea huduma " aliendelea kueleza Ilomo

Ilomo aliendelea kueleza kuwa, Japo Kuna hali ya mvua lakini wananchi wanaendelea kujitokeza kupata Huduma, hii inaonesha jinsi gani wananchi wameipokea vizuri na walikuwa na uhitaji wa huduma hii.

Victoria Mwasambili Mwananchi aliyefanikiwa kupata hati amepongeza Serikali kwa kurahisisha upatikanaji wa huduma kwa kuchukua muda mfupi na kupata hati tofauti ilivyokuwa awali ambapo ilikua inachukua muda mrefu  mpaka kufanikisha kupata hati.

Kutokana na huduma hii kuwa nzuri na rafiki kwa wananchi nina ahidi kuwa balozi mzuri katika zoezi hili na ntaenda kuhamasisha watu waje kwa  wingi kwani huduma hii imenifurahisha na nimeipenda sana " aliongeza Victoria

Katika zoezi hili la ardhi clinic  lengo ni kuwafikia wananchi wengi zaidi na kwa Manispaa ya Ubungo dhumuni ni hati 3419 zitolewe kupitia zoezi hili.