KAMATI YA FEDHA NA UONGOZI YATOA MAELEKEZO KWA WAKANDARASI

Posted on: October 24th, 2023

Kamati ya Fedha na Uongozi Manispaa ya Ubungo imewataka wakandarasi wanaojenga miradi mbalimbali katika Manispaa hiyo kuwa na kasi kubwa  ya utekelelezaji wa miradi ya maendeleo ili ikamilike kwa wakati na wananchi waanze kunufaika na miradi hiyo.

Maelekezo hayo yametolewa na wajumbe wa kamati hiyo inayoongozwa na Mstahiki Meya wa Manispaa ya Ubungo Mhe. Jaffary Juma Nyaigesha wakati wa ziara ya kutembelea miradi ya maendeleo kwa kipindi cha robo ya kwanza kwa mwaka wa fedha 2023/2024.

Katika ziara hiyo Kamati imetembelea miradi ya ujenzi wa shule Mpya ya Msingi Tegeta A, kituo cha Afya Goba, Ujenzi wa barabra ya Kinzudi kwa kiwango cha lami  na uboreshaji wa soko la mabibo na kusisitiza  kuwa miradi hiyo  inalenga kuboresha na kusogeza huduma kwa wananchi katika sekta mbalimbali.

wajumbe wa kamati fedha na uongozi wakikagua miradi