KAMATI YA FEDHA YAPONGEZA UJENZI WA MASHEDI SOKO LA MABIBO

Posted on: May 3rd, 2024

Kamati ya Fedha na Utawala Manispaa ya Ubungo  imetembelea mradi wa ujenzi wa Mashedi, Barabara na Mifereji iliyojengwa kwa gharama ya shilingi Milioni 600 katika Soko la Mabibo na kupongeza ujenzi wa mashedi hayo.

Ziara hiyo imefanyika tarehe 3 Mei, 2024 na  wajumbe wa kamati hiyo wamepongeza utekelezaji wa mradi huo na kumtaka mkandarasi kumalizia maeneo yaliyobakia kwa haraka.

Aidha wajumbe wameagiza mashedi yaweze kuongezwa ili wafanyabiashara wote wawe katika mazingira safi na salama wakati wakifanya biashara zao sokoni hapo.

Na pia kamati imetembelea ujenzi wa jengo la machinjio katika Soko la  Manzese utakaogharimu kiasi cha shilingi bilioni 1.3 mpaka kukamilika.

Mpaka sasa ujenzi wa machinjio hayo umefikia asilimia 55% na matarajio ya mradi huo kukamilika ni  mwezi wa nane mwishoni