KAMATI YA HUDUMA ZA AFYA NA ELIMU

Posted on: April 25th, 2023

Kamati ya huduma za Uchumi, Afya na Elimu ikiongozwa na Mhe. Ismail Malata ambaye ni Diwani wa Kata ya Mbezi imetembelea miradi ya maendeleo katika Manispaa ya Ubungo, Kamati hiyo inaundwa na Madiwani na wataalamu wa Manispaa hiyo.

Kamati imetembelea miradi hiyo ili kujionea maendeleo na changamoto katika miradi hiyo. Kamati ilitembelea kituo cha Afya cha Amani kilichopo Kata ya Kwembe kujionea hatua iliyofikiwa ya ujenzi na changamoto. Kituo hicho ambacho kitahudumia mitaa nane, kilianza ujenzi wake mwaka 2022 mwezi wa tatu, jumla  ya shilingi milioni 249 zinatumika katika kituo hicho ambacho ujenzi wake umekamilika kwa asilimia 96, na ujenzi bado unaendelea.

Wakati huo huo kamati hiyo ilitembelea eneo ambalo limependekezwa kujengwa shule itakayo tumia Mtaala wa Kiingereza (English Mediam) lililopo Kata ya Mbezi Mtaa wa Msakuzi Kusini, lenye ukubwa wa hekari 5.

Na baadae kamati hiyo ilifika Kata ya Mabibo Mtaa wa Mabibo Farasi kujionea ujenzi wa Kivuko cha waendao kwa miguu, Pikipiki na Pikipiki ya Magurudumu matatu maarufu kama Bajaj ambao ujenzi wake upo hatua za mwanzo za uwekaji wa nguzo. Kivuko hicho ni muhimu kwa wakazi wa eneo hilo. Kamati ilifika Shule ya Msingi Amani katika Kata hiyo kujionea vyumba viwili vya madarasa ambavyo ni msaada kutoka kwa Kanisa la Yesu Kristo la Watakatifu wa Siku ya Mwisho na matundu 40 ya vyoo na kwasasa yanatumika.

 Mwisho kamati ilifika Shule ya Msingi Reginald Mengi iliyopo Kata ya Sinza kuona ukarabati uliofanyika wa vyumba nane vya madarasa vilivyogharimu kiasi cha shilingi milioni 40