KAMATI YA KUDHIBITI UKIMWI MANISPAA YA UBUNGO WATEMBELEA MAENEO HATARISHI

Posted on: May 18th, 2022

Kamati ya Kudhibiti Ukimwi Manispaa ya Ubungo leo tarehe 18, Mei 2022 wametembelea   Mtaa wa Muungano Kata ya Manzese kwa ajili kujionea maeneo hatarishi (madanguro) ikiwa ni pamoja na kugawa kinga kwa makundi hatarishi.

lengo la kamati kutembelea maeneo hayo hatarishi  ni kuendeleza mapambano dhidi ya UKIMWI na kuendelea kuwapa elimu ya kujikinga na ugonjwa huo hatari ikiwa ni pamoja na kuwapa elimu ya madhara ya kazi  hiyo haramu wanayoifanya.

Akiongea katibu wa kamati hiyo Mercy  Ndekeno amewaeleza wadada hao wanaotumia miili yao ili kujingizia kipato  watumie fursa mbalimbali za kujikwamua na umaskini na kuacha kazi haramu. 

Alikadhalika, mwenyekiti wa kamati hiyo amewaomba viongozi wa dini kuendelea kutoa elimu ya dini kwa makundi hatarishi.

Aidha  asasi za kiraia kuendelea kushirikiana vyema na serikali ili kuendeleza mapambano dhidi ya ukimwi ikiwa ni pamoja na kuweka mikakati imara yakuwafanya mabinti na wadada wanaojiuza kuacha kazi hiyo kwa kuwawekea misingi bora ya kuwasaidia kujikwamua kiuchumi na kuwaaminisha wanaweza kuendelea kuishi kwa kufanya shughuli halali za kijamii na sio ya kuuza miili yao.