KAMATI YA KUDHIBITI UKIMWI MANISPAA YA UBUNGO YAFANYA ZIARA SHULE YA SEKONDARI MALAMBA MAWILI

Posted on: February 17th, 2025

Kamati ya kudhibiti UKIMWI Manispaa ya Ubungo imefanya ziara ya kutembelea shule ya sekondari Malamba Mawili iliyopo kata ya Msigani katika ziara za robo ya pili kwa mwaka wa fedha 2024/ 2025

Ziara hiyo ambayo imeongozwa na makamu mwenyekiti wake ambaye ni diwani wa kata ya Mbezi Mhe. Ismail Malata, imefanya ziara hiyo mapema leo Februari 17, 2025 kwa lengo la Kuongea na Wanafunzi wa shule hiyo katika jitihada za kuendelea kutoa elimu kwa Wanafunzi juu ya kujilinda pamoja na kudhibiti maambukizi mapya ya VVU

"Wanafunzi mmepata fursa adhimu ya kupata elimu yenu ambayo ndio msingi wa maisha yenu hapa duniani, lazima muache tabia ya utoro pamoja na kukaa vichochoroni mkishawishiana kufanya vitendo viovu ikiwa ni pamoja na mgono zembe ambazo zinaweza kupelekea kupata maambukizi mapya ya VVU" alisema Malata

Nae mratibu wa kudhibiti UKIMWI Manispaa ya Ubungo ndugu Ally Hassan ameeleza kuwa kamati imeamua kufanya ziara katika shule hiyo ikiwa ni mkakati wa kuzuia maambukizi mapya ya VVU ambayo kwa kiasi kikubwa yanatoka kwenye kundi la vijana wa rika balehe kuanzia miaka 15 Ambao wanajishughulisha na shughuli mbalimbali ikiwemo bodaboda, mafundi gereji, Wanafunzi na kadhalika

Aidha katika kikao cha ziara hiyo ambacho kimefanyika kwenye ukumbi wa Manispaa, kimehudhuriwa na mwenyekiti wa kamati hiyo Mhe. Yusuf Yenga pamoja na mbunge wa Kibamba Mhe. Issa Mtemvu kwa pamoja wamepongeza jitihada za kamati hiyo kwenye kudhibiti wa maambukizi mapya ya VVU huku wakitaka maazimio ya wajumbe wa kamati hiyo kufanyiwa kazi ikiwemo ni pamoja na Manispaa kununua gari maalumu la matangazo kwaajili ya utoaji elimu mitaani ya kujikinga na VVU