KAMATI YA KUDHIBITI UKIMWI MANISPAA YA UBUNGO YATEMBELEA MANZESE SEKOMDARI

Posted on: July 21st, 2023

Kamati ya kudhibiti UKIMWI Manispaa ya Ubungo imetembelea shule ya sekondari ya Manzese kwa lengo la kuongea na wanafunzi wa shule hiyo kuzingatia maadili , sheria za shule na kuepukana na matendo maovu ya kikatili

Akizungumza katika ziara hiyo Eliam Manumbu kaimu mwenyekiti wa kamati ya kudhibiti UKIMWI aliwaasa wanafunzi kujiepusha na matendo maovu ya utovu wa nidhamu wanapokuwa shuleni na majumbani kwani kumekuwa na tabia zisizo sahihi zikiendelea ikiwemo maswala ya ulawiti, ukatili wa kingono, mapenzi wakiwa shuleni , wizi na ulevi.

Aliendelea kwa kusema kuwa ni vyema tukazingatia malengo yaliyotuleta shule na kuachana na makundi maovu, marafiki wasio wema na kila mmoja akumbuke  dhumuni la  kuja shule ni kufaulu na kutimiza malengo yake.

"Tujifunze kuridhika na kile wazazi wetu wanachotupa majumbani, wazazi  wanapigana kwaajili yenu, madhara ya ngono zembe ni kupata maambukizi ya virusi vya UKIMWI". aliwaasa Manumbu".

Aidha, mjumbe wa kamati hiyo Mhe. Jaffari Nyaigesha ambaye pia  ni Mstahiki Meya wa Manispaa ya Ubungo  aliwasisitiza wanafunzi hao kuhakikisha Wanasikiliza walimu wao, wazazi, walezi  na viongozi wa dini na kufuata wanayofundishwa. 

"Ili muwe taifa la kesho lenye faida nilazima muwe waadilifu na mkumbuke madhara ya mapenzi ya utotoni ni makubwa ikiwemo maradhi" aliongeza Nyaigesha

Nae Mjumbe wa kamati hiyo  Shehe Simba mwakilishi upande wa dini aliwaasa wanafunzi hao kuacha haraka matendo maovu yanayofanyika kwani hata mwenyezi Mungu apendezwi nayo  na kuzingatia maadili ya dini yanavyotaka.

Akisoma taarifa ya Club ya Afya na Lishe iliyoanzishwa shuleni hapo mwanafunzi Desderia William  alisema Club  inajumla ya wanafunzi 25 na  imefanikiwa kukua na kuanzisha bustani iliyopandwa mboga mbalimbali inayosimamiwa na club hiyo. Pia ameshukuru kwa ujio wa kamati katika shule hiyo kwani umekuwa wa manufaa kwa elimu waliyoipata.

Wanafunzi wa shule ya sekondari Manzese wakisikiliza kwa makini elimu wanayopewa na wanakamati baada ya kutembelea shuleni hapo

Wajumbe wa kamati wakiteta jambo

ReplyForward