KAMATI YA KUDHIBITI UKIMWI YATEMBELEA CHILD IN THE SUN

Posted on: January 10th, 2024

Kamati ya Kudhibiti Ukimwi Manispaa ya Ubungo imetembelea Kituo cha kulelea watoto cha Child in the Sun kilichopo Kata ya Mbezi Mtaa wa Makabe kujionea namna kituo hicho kinavyotunza watoto hao sambamba na utoaji wa elimu ya kudhibiti maambuzi ya Ukimwi

Kituo hicho kina jumla ya watoto 35 ambao ni wavulana na kinatoa mafunzo stadi ya useremala, uchomeleaji, ushonaji pamoja na ufyatuaji wa matofali kwa watoto hao

Akizungumza katika ziara hiyo iliyofanyika  tarehe 10 januari, 2024 Mkurugenzi wa kituo hicho Padri Pari amesema kuwa kituo hicho kinachukua watoto kuanzia miaka 10 na baada ya kuhitimu miaka 18 kituo kinawatafutia kazi ili waanze kujikimu wenyewe ikiwa ni kwa mujibu wa sheria.

Aliendelea kueleza kuwa,Kituo hicho kina walezi 10 ambao husaidia watoto hao pamoja na mapadri wawili ambao ni viongozi katika kituo hicho

Akiongea katika ziara hiyo Naibu meya Manispaa ya Ubungo Mhe. Yusuph Yenga amewaasa watoto hao wazingatie mafunzo wanayopata kwa manufaa yao ili kukuza vipaji vitakavyowasaidia kuingiza kipato wanapoenda kuanza maisha yao

"Halmashauri itaenda kuhakikisha inawasapoti ili kuwawezesha kukuza vipaji vyenu" na niwa ahidi katika kukuza kipaji cha michezo kwa wale wanaopenda mpira ntawaletea jezi na mpira utakaowasaidia kufanya mazoezi.alisem hayo Yenga

Nae mjumbe wa kamati hiyo ndg. Juvenali Kaganda  aliwataka watoto hao kuachana na tamaa, ngono zembe na udanganyifu unaofanywa na watu waovu ambavyo vinaweza kusababisha kupata maambukizi ya virusi vya Ukimwi

Akishukuru kwa niaba ya wenzie mmoja wa watoto hao Abdalah  ameshukuru kwa kamati hiyo kutembelea kituo hicho na kuahidi kuzingatia elimu waliyoipata