KAMATI YA MAZINGIRA NA MIPANGO MIJI YAKAGUA MIRADI MITATU YA MAENDELEO

Posted on: April 25th, 2023

Mapema leo April 25, 2023 kamati ya Mazingira na mipango miji ya Halmashauri ya Manispaa ya Ubungo imefanya ziara katika miradi mitatu ya maendeleo kwa ajili ya ukaguzi wa maendeleo ya miradi hiyo

Kamati hiyo inayoongozwa na Mwenyekiti wake diwani wa kata ya Goba Mhe. Easther Ndoha imefanya ziara katika mradi wa ujenzi wa zahanati ya Msingwa, zahanati ya Temboni pamoja na kutembelea mfumo mpya wa mageti wa tiketi za kielektroniki katika kituo cha Mabasi cha Magufuli

Kamati imeridhishwa na maendeleo ya mfumo huo wa tiketi za kielektroniki na tayari wametoa maagizo kwa meneja wa kituo hicho kuendelea kutoa elimu kwa watumiaji wa kituo hicho kulinda miundombinu ya mifumo hiyo

Aidha kwa upande wa ukaguzi wa zahanati ya msingwa na Temboni, kamati haijaridhishwa na maendeleo ya miradi hiyo, ubora na thamani ya fedha iliyowekwa.

Tayari kamati imetoa maelekezo ya kukutana na wahandisi waliosimamia kupata maelekezo ya kina juu ya miradi hiyo