KAMATI YA MIPANGO MIJI YATAKA KASI KUONGEZWA KWENYE UKAMILISHAJI WA MIRADI

Posted on: July 22nd, 2023

 Julai 22, 2023 kamati ya mipango miji Manispaa ya Ubungo imefanya ziara ya ukaguzi wa miradi ya maendeleo katika kata ya Mbezi na Goba

Miradi iliyotembelewa leo ni pamoja na ukaguzi wa ujenzi wa kituo cha mafuta kinachojengwa katika eneo la kituo cha mabasi cha Magufuli.

Katika mradi huo, kamati imetoa maagizo ya kuhakikisha kasi ya ujenzi wa kituo hicho inaongezwa kupitia kwa Wataalamu wa Manispaa hiyo kukaa na mwekezaji wa kituo hicho na kutatua changamoto zilizopo

 Pia kamati imetembelea mtaa wa Muungano kata ya Goba eneo la Marobo ambapo kuna bonde linalohitaji kujazwa kifusi ili kuondoa uwezekano wa kuleta madhara kwa wananchi wa maeneo hayo

- Aidha kamati pia imetembelea barabara ya Kinzudi yenye urefu wa kilomita 1 inayotakiwa kujengwa kwa gharama ya shilingi Bilioni 1.3 fedha za mapato ya ndani ambazo tayari zimeshatengwa lakini bado mkandarasi hajaanza kazi. Kamati imewaelekeza wahandisi wa Manispaa ya Ubungo kutatua changamoto zilizopo ili mradi huo uanze mapema kutoka sasa.

wajumbe wa Kamati mipango miji na Mazingira wakiwa katika ukaguzi 

ReplyForward