KAMATI YA MIPANGO MIJI YATEMBELEA MAENEO YALIYOATHIRIWA NA MVUA

Posted on: May 2nd, 2024

Mapema  Mei 2, 2024 kamati ya mipango miji Manispaa ya Ubungo imefanya ziara ya kutembelea miradi kadhaa iliyoathiriwa zaidi na mvua ili kuona namna ya kufanya marekebisho na maboresho

Miradi iliyotembelewa ni pamoja na hospitali ya Wilaya iliyopo Kimara Baruti, Daraja la Ubungo Kisiwani pamoja na shule maalumu ya wasichana ya mkoa wa Dar Es Salaam iliyopo kata ya Kwembe

Kamati hiyo iliyoongozwa na kaimu mwenyekiti diwani wa viti maalumu Mhe. Elger Elisha imejiridhisha na maeneo yote yanayotakiwa kufanyiwa marekebisho ya haraka ili kuepusha madhara makubwa yanayoweza kupelekea mmomonyoka wa udongo pamoja na kujenga gibioni ili kuzuia athari za maji. Wakati huo huo tayari kiasi cha fedha shilingi milioni 105 kimeshapelekwa kwenye kata ya Ubungo tayari kuanza ujenzi wa kivuko cha Ubungo kisiwani ambacho kimekatika kutokana na mvua hizo.

Katika shule ya maalumu ya wasichana kamati imeshauri kufanyika upya kwa tathmini ya gharama ya ujenzi wa miundombinu ya kuvuna maji ambayo kwa kiasi kikubwa yanachangia mmonyoko wa udogo na hatimae kuathiri miundombinu ya shule hiyo

Aidha katika maadhimisho ya ziara hiyo kamati imeshauri kufanyika kwa ziara maalumu ya kamati ya mipango miji kutembelea maeneo yote yaliyoathiriwa na mvua na kuyawekea kipaumbele cha kuyarekebisha haraka kutoka sasa