KAMATI YA SIASA UBUNGO YAKAGUA MIRADI YA MAENDELEO

Posted on: May 6th, 2021

Kamati ya Siasa  ya chama cha mapinduzi (CCM) Wilaya ya Ubungo  imefanya ziara ya kutembelea na  kukagua  miradi ya maendeleo inayotekelezwa katika Wilaya hiyo lengo ikiwa ni kujionea  utekelezaji wa ilani ya chama hicho.

Katika ziara hiyo ambayo itafanyika kwa muda wa siku mbili kuanzia tarehe 6 hadi 7  Mei, 2021 ,  Kamati hiyo ikiongozwa na mwenyekiti wa chama Wilaya ndugu Lucas Mgonja. imetembelea na kukagua miradi sita yenye thamani ya zaidi ya bilioni 2.3 ikiwemo ujenzi wa mabanda ya wajasiriamali Mbezi, mradi wa maji makabe na king'azi, ujenzi wa Madarasa  3 shule ya Msingi matosa, ujenzi wa Barabara ya  king'ongo hadi kimara na  ujenzi wa zahanati ya Msingwa yote ikiwa inapatikana Jimbo la Kibamba

Mradi wa ujenzi wa mabanda ya wajasiriamali uliopo mbezi uliogarimu shilingi bilioni 1.6 pamoja na gharama ya fidia ya eneo.

Akizungumza baada ya kukagua miradi hiyo Mgonja alieleza Kuwa ukaguzi huo in wa kawaida ambapo chama kinawajibika kujionea utekelezaji wa ahadi mbalimbali walizoahidi wananchi kupitia ilani ya chama hi hicho.

Katika ukaguzi huo Kamati imepongeza utekelezaji wa miradi hiyo ambayo inalenga kuboresha na kusogeza huduma karibu na wananchi kama ilani ya chama hicho ilivyoahidi.

"Ujenzi wa miradi ya maji, madarasa, vituo vya kutolea huduma za afya na miundombinu ya barabara ni kutekeleza kwa vitendo ilani ya chama na ndio maana Kamati ya siasa inakagua kuona utekelezaji wake"  alifafanua Mgonja.

Pamoja na pongezi hizo Kamati imeagiza  kuongeza kasi ya  utekelezaji wa miradi hiyo ili ikamilike kwa wakati na kurekebisha baadhi ya kasoro zilizobainika kwenye miradi hiyo.

Kamati hiyo itaendelea na ziara yake Kesho tarehe 7 mei, 2021 kwa jimbo la Ubungo.

Mradi wa ujenzi wa madarasa 3 shule ya msingi Matosa iliyoko kata ya Goba