KAMATI YA SIASA WILAYA YA UBUNGO YAIPONGEZA WILAYA HIYO KWA USIMAMIZI WA MIRADI YA MAENDELEO.

Posted on: September 30th, 2023

“Ninawapongeza sana Viongozi wa Manispaa ya Ubungo kwa usimamizi utekelezaji wa ujenzi mradi huu mkubwa kwa maslahi ya Taifa hususani watoto wa kike wanasayansi”

Pongezi hizo zimetolewa na Mhe. Rogert Mbowe Mwenyeketi wa chama cha Mapinduzi Wilaya ya Ubungo alipotembelea Shule mpya Maalumu ya Sekondari ya wasichana ya sayansi ya Mkoa wa Dar es Salaam inayojengwa ndani ya Manispaa ya Ubungo ambayo itachukua wanafunzi wa kike wa kuanzia kidato I-VI akiongozana na Kamati ya Siasa (CCM) ya Wilaya hiyo.

“Nimefurahishwa na muonekano wa majengo hayo pamoja na jitihada zinazoendelea kufanyika kwa lengo la kuboresha Shule hii muhimu ambayo italeta msaada mkubwa kwa mabinti wanaosoma mchepuo wa sayansi niwaombe tuitunze na kuilinda miundombinu yake na nafarijika kuona Ilani inaendelea kutekelezwa na kusimamiwa ipaswavyo” alisema Mbowe.

Akisoma taarifa ya mradi huo Ndg. Andambike Kyomo ameeleza kuwa kwa mwaka wa fedha 2021/2022 Mkoa wa Dar es Salaam kupitia Manispaa ya Ubungo ilipokea kiasi cha shilingi Bilioni 3 Fedha kutoka Serikali kuu zilizotokana na Programu ya uboreshaji wa elimu ya Sekondari SEQUIP kwa awamu ya kwanza kwa ajili ya ujenzi wa Shule hiyo.

Katika awamu hiyo majengo mbalimbali yamejengwa ikiwemo ujenzi wa madarasa 12, ujenzi wa matundu ya vyoo 1, ujenzi wa mabweni 5, ujenzi wa vyumba vya maabara 4, ujenzi wa jengo la Utawala 1, ujenzi wa bwalo 10, ujenzi wa nyumba za walimu 3 sambamba na ujenzi wa miundombinu ya kazi za nje ikiwemo ujenzi wa tanki la kuhifadhi maji lita 32000, ujenzi wa mitaro ya maji, ujenzi wa uzio, ujenzi wa vichomea taka na ujenzi wa njia za waenda kwa miguu alisema Kyomo.

Aidha, Kyomo ameendelea kuelezea kuwa kwa awamu ya pili Manispaa ya Ubungo ilifanikiwa kupokea shilingi bilioni 1.1 kwa ajili ya ujenzi wa awamu ya pili ya miundombinu ya Shule hizo ikiwemo vyumba vya madarasa 10, chumba cha Tehama - 1, Maktaba - 1, Nyumba za walimu 3 kati ya hizo mbili ni (2 in 1) na Mabweni ya wanafunzi 80 - 5.

Mkurugenzi manispaa ya ubungo ELIAS NTIRUHUNGWA akionyesha mfano wakati wa ziara walipotembelea katika shule ya sekondari ya DAR ES SALAAM GIRLS iliyopo kata ya Kwembe