KAMATI YA ULINZI NA USALAMA WA MTOTO WILAYA YA UBUNGO YAPEWE SEMINA KUHUSU UGONJWA WA KORONA

Posted on: April 2nd, 2020

Kamati ya Ulinzi na Usalama wa mtoto Wilaya ya Ubungo yapewa semina kuhusu ugonjwa wa korona na muwezeshaji ambaye ni Mtaalamu wa Magonjwa ya Mlipuko  Dk.Baraka Chaula  katika ukumbi uliopo katika ofisi ya Mkuu wa Wilaya Luguruni.

Wawezeshaji wengine waliohudhulia ni  Dk.Mariana Makuu  ambaye ni mwenyekiti wa Taswo(Tanzania Association of Social Workers) Taifa na  Digna Nsanya ambaye ni Afisa Ustawi wa Jamii Mwandamizi Wizara ya Afya,Maendeleo ya jamii,Jinsia,Wazee na Watoto Pamoja na Afisa Ustawi wa Wilaya ya Ubungo Zainabu Masilamba

Lengo la semina ni kuelimisha wajumbe jinsi ya kujikinga na maambulizi ya korona na namna wajumbe wakamati wanaweza kuwa mstari wa mbele katika kutoa elimu kwa watoto walio katika jamii na  wananchi waliowazunguka kuhusiana na ugonjwa wa korona na kusimamia ulinzi wa watoto na wanawake katika jamii.

"Hali ya korona kwa nchi yetu kwa sasa idadi ya wagonjwa wamefikia 20  kama ilivyoelezwa na Idara  ya Afya na tuchukue tahadhali kupambana na ugonjwa huu  mkawe wahamasishaji wazuri kwa   jamii inayotuzunguka. alisema hayo Dk.Baraka Chaula

Aidha nitoe ufafanuzi maambukizi haya asilimia 95% ni kwanjia ya maji maji  ya moja kwa moja kutoka kwa mgonjwa na asilimia 4% ni kwanjia ya kushika vifaa ambavyo vilishikwa na muathirika wa ugonjwa huo(mf.simu,peni n.k)

Niwaombe mkawe mabalozi mkaelimishe jamii na pia tuzingatie na kuhakikisha tunafunika mdomo wakati wa kukohoa,tuepukane na mikusanyiko ya watu,na tunawe mikono na sabuni kwa maji safi yanayotitirika. aliongezea Dk.Baraka

Mwisho mwakilishi wa Mkurugenzi  Fortunata Shija aliwashukuru wawezeshaji kwa ujio wao na elimu waliyoitoa kwa wajumbe wa kamati.