KAMPENI YA KAU SAPEU INATEKELEZWA KWA KASI UBUNGO

Posted on: October 28th, 2023

Kampeni ya Kataa Uchafu Safisha, Pendezesha Ubungo (KAU - SAPEU) imeendelea kuupiga mwingi Ubungo wananchi wameendelea kujitokeza kwa wingi kufanya Usafi  katika maeneo yao.

 Tarehe 28/10/2023 Ikiwa ni jumamosi ya mwisho wa mwezi Ubungo kiwilaya usafi umefanyika katika Kata ya Makuburi katika eneo la Riverside kuanzia darajani Gide hadi darajani mpakani na Ilala

Akiongea katika Usafi huo Katibu Tawala Ndg, Hassan Mkwawa amesema kuwa, ni jukumu la kila mtaa na kata kuhakikisha maeneo yanayo wazunguka yanakuwa safi kwani itasaidia katika kuepukana na magonjwa ya mlipuko  na pia katika kampeni inayoendelea kuna zawadi ambazo zitatolewa kwa mtaa na kata itakayofanya vizuri katika usafi

"Nitoe wito kwa wana Makuburi usafi unaanza na sisi na usafi katika maeneo yetu uwe endelevu" alisisitiza Hassan

Hassan, aliendelea kusisitiza usafi ni jukumu la kila mmoja kufanya usafi mara kwa mara na niwapongeze vikundi vya jogging kwa kujitokeza kwa wingi katika kampeni ambazo serikali imekua ikiziendesha.

Aliendelea kusema kuwa, zoezi la usafi liwe endelevu, mkafanye usafi hata majumbani na mpeleke ujumbe hata kwa walio majumbani kwa kuhakikisha wanasafisha na kuweka maeneo safi

Akiongea Kwa niaba ya Mkurugenzi Ndg. Andambike Kyomo amewashukuru wadau wote kwa kujitokeza katika zoezi la usafi na aliendelea kwa kutoa rai kwa wananchi wa maeneo yote kuendelea kufanya usafi na kuweka mazingira safi.

"Tunaelekea katika kipindi cha mvua nyingi  tuweke maeneo yetu salama na maeneo yenye mitaro kwa kusafisha mitaro na kupanda miti pia"alisistiza Kyomo

Aidha, Wadau mbalimbali wamejitokeza wakiwemo Taasisi ya Tanroad, Kampuni ya BMP( incorporate ltd) Kikundi cha Ngumi Ubungo District Boxing association, Suma JKt, vikundi vya Jogging ikiwemo Mwongozo jogging,Mikongeni jogging na Chama cha mapinduzi Kata ya Ubungo.

pichani ni wananchi  wakifanya usafi katika eneo la riverside