KAMPENI YA MTI WANGU, UBUNGO YANGU YAENDELEA KUUPIGA MWINGI

Posted on: October 21st, 2023

Ikiwa ni muendelezo wa Kampeni ya Mti wangu, Ubungo Yangu Wananchi wameendelea kujitokeza kwa wingi katika Zoezi la usafi  sambamba na upandaji wa Miti katika maeneo yao.

 tarehe 21 oktoba,2023 Mtaa wa matosa uliopo Kata ya Goba wananchi wamepanda miti pembezoni mwa Mto Mbezi kwaajili ya kuzuia mmomonyoko wa udongo katika maeneo hayo utakaoweza kuleta maafa katika makazi ya wananchi

Zoezi hilo limeongozwa na Diwani wa Kata ya Goba Mhe.Ester Ndoha kwa kushirikiana na Kitengo cha Maliasili na Uhifadhi wa mazingira Manispaa ya Ubungo lengo likiwa ni kuimarisha mazingira hasa mazingira ya bondeni kuepukana na mmonyoko wa udongo zitakapotokea mvua kubwa  za El-Nino

Akiwa katika zoezi hilo Mhe.Ndoha amewashuru wananchi wa maeneo hayo kwa kujitokeza kwa wingi katika zoezi la  upandaji wa miti na kusisitiza upandaji wa miti uendelee na pia utunzaji wa mazingira ili kuendelea kumsapoti Mkuu wa Wilaya katika zoezi zima la Kupendezesha Ubungo

Aidha, Mkuu wa Kitengo cha Maliasili na Uhifadhi wa Mazingira Manispaa ya Ubungo Nice Vahaye  amewataka wananchi wa maeneo hayo kuendeleza tamaduni wa kulinda vyanzo vya maji kwa kupanda miti na kuacha kuchimba mchanga  bila ya kuwa na kibali maalumu.

Aliendelea kwa kuwasisitiza kila mmoja awe mlinzi wa mwenzie dhidi ya waharibifu wa mazingira kwa kutoa taarifa pale anapoona uharibifu unafanyika wa uchimbaji wa mchanga katika maeneo yao

Vahaye, pia amewasisitiza wananchi kuendelea kuchukua tahadhari dhidi ya mvua kubwa za El-Nino zinazotarajiwa kunyesha

Mhe.diwani wa kata ya Goba Ester Ndoha akipanda mti katika kampeni ya Mti wangu,Ubungo yangu iliyofanyika katika kata ya Goba mtaa wa Matosa