KAMPENI YA USAFI MWISHO WA MWEZI NOVEMBA 2022 UBUNGO MC

Posted on: November 26th, 2022

- Mapema leo Novemba 26, 2022 Mkuu wa Wilaya ya Ubungo Mhe. Kheri James ameongoza zoezi la kufanya usafi wa pamoja kata ya Mbezi eneo la Round about ya kwenda Goba

- Zoezi hilo ni muendelezo wa kampeni ya usafi ambayo hufanyika kila jumamosi ya mwisho wa mwezi ambapo usafi mkubwa hufanyika maeneo yote na huazimishwa kiwilaya katika eneo moja

- Akizungumza baada ya kukamilika kwa zoezi hilo James ameendelea kuwasisitiza wananchi waliohudhuria usafi huo pamoja na wananchi wa Ubungo kwa ujumla kuendelea kutunza mazingira ili kujiepusha na magonjwa ya mlipuko lakini pia kuweka mji wetu kuwa safi na salama wakati wote

- Aidha James amewakumbusha wananchi hao kuwa ni marufuku kufanya biashara katika maeneo yote yaliyokatazwa ikiwemo pembezoni mwa barabara, chini ya madaraja na juu ya mitaro