KATA YA UBUNGO YAKABIDHI MKOPO WA TSH. 122,800,000/= KWA VIKUNDI SITA VYA ASILIMIA 10

Posted on: May 2nd, 2025

Katika kutekeleza mkakati wa serikali wa kuwezesha makundi mbalimbali ya wananchi kupitia mikopo ya asilimia 10 isiyokuwa na riba, Tarehe 2 Mei 2025, Vikundi 6 VYA Kata ya Ubungo vilivyonufaika na mkopo wa Sh. 122,800,000/= kwa Makundi maalumu ambayo ni  Wanawake, Vijana na Watu wenye ulemevu vimekabidhiwa Mkopo huo ukiwemo wa vyombo vya moto kama bajaji na pikipiki 

Zoezi hilo limeongozwa na Mstahiki Meya wa Halmashauri ya Manispaa ya Ubungo ambaye ndiye Diwani wa Kata hiyo Mhe. Jaffery Nyaigesha amesema "Mikopo hiyo haina Riba inatokana na asilimia kumi ya mapato ya ndani imelenga makundi maalumu hivyo pesa hizo zirudishwe kwa wakati ili vikundi vingine viweze kunufaika na Mikopo hiyo"

Achaneni na Mikopo ya kausha damu, jiungeni vikundi ili muweze kunufaika na mikopo hii lakini kwa kuzingatia sheria zilizowekwa, amesema Nyaigesha.

Nae Method Kindole Mwakilishi wa Mwenyekiti wa kikundi cha Tupendane group amesema wao kama Vijana wanaipongeza Serikali ya awamu wa sita kwa kuliona hilo kwani itasaidia  kujikwamua Kiuchumi .