KATIKA SEKTA YA KILIMO MKOMBOZI KWA VIJANA

Posted on: August 8th, 2023

Lita moja ya mafuta ya Nazi ni kati ya shingi elfu thelathini na tano hadi arobaini, kikundi cha vijana 5  kutoka Mbezi Msakuzi Ubungo Dar es salaam wanazalisha lita 100 kwa mwezi na hivyo kupata shilingi milioni 4 kila mwezi.

Hii ni katika kutumia fursa zilizopo kulingana na mahitaji ya soko, uwezeshwaji wa mkopo usio na riba kutoka Manispaa tumefanikiwa kufikia hatua hii ya uzalishaji, anaeleza Deogratius Kapalata mwenyekiti wa kikundi cha Vijana cha MAYANAMWA akiwa kwenye Maonesho ya Nanenane mjini Morogoro katika viwanja vya J.K Nyerere Banda Ubungo.

Deogratius anasema katika kuhakikisha soko linapatika, kikundi kimeweka mawakala wa kuuza bidhaa zao katika mikoa tisa ( 9) ili kuhakikisha wateja wanapata bidhaa kwa urahisa zaidi na tumefanikiwa.

Niwasihi vijana wenzangu kuthubutu kuchangamkia fursa zilizopo ili kujipatia kipato, kuzalisha ajira na uhakika wa chakula badala ya kutegemea ajira rasmi.