KAZI IFANYIKE USIKU NA MCHANA

Posted on: January 9th, 2024

Kazi ifanyike usiku na mchana mpaka ifikapo tarehe 15 januari, 2024  ujenzi uwe umekamilika na shule ikabidhiwe ikiwa imekamilika, Ni lazima agizo la waziri alilolitoa lizingatiwe 

Kauli hiyo imetolewa tarehe 9/1/2024 na Naibu katibu Mkuu anayeshughulikia upande wa Elimu Dkt. Charles Msonde alipotembelea ujenzi wa Shule ya Sekondari ya Mkoa ya Dar es Salaam Girls iliyopo kata ya kwembe katika mtaa wa Njeteni alipotembelea ujenzi wa awamu ya pili unaoendelea katika shule hiyo wa Mabweni 4, Madarasa 10 na Jengo la Tehama, Maktaba na Nyumba za Walimu 3.

Akikagua maeneo mbalimbali ya shule hiyo, Msonde amepongeza hatua ya kwanza ya ujenzi wa shule hiyo iliyogharimu kiasi cha shilingi bilioni 3 ambapo madarasa  12, Jengo la Utawala, bwalo pamoja na jiko, nyumba za walimu 2 na  mabweni 4  yalijengwa.

Msonde amesisitiza kwa awamu ya pili ambayo itagharimu kiasi cha shilingi bilioni 1.1  ujenzi ufanyike kwa haraka ili ifikapo tarehe 15/1/2024 shule iweze kukabidhiwa ikiwa imekamilika

Aidha,Msonde ameongea na walimu wa shule hiyo na kuwasisitiza wafanye kazi kwa weledi kwa kuhakikisha wanakuwa waanzilishi wazuri wa  shule hiyo 

"Walimu mmepewa dhamana kubwa kwenye nchi mzingatie kufundisha kwa ubunifu na kwa uzalendo

Halikadhalika, Shule hiyo mpaka sasa wanafunzi wanaendelea kusoma ambapo kwa mwaka huu wa 2024 imepokea wanafunzi 215  ambao wamejiunga na  kidato cha kwanza.

Nae Mwalimu Kitinusa Kashinde ameshukuru ujio wa Naibu Katibu Mkuu katika Shule hiyo kwa kuwatembelea na kuongea nao na hasa kwa elimu aliyoitoa juu ya namna ya kuzingatia katika ufindishaji