KCB BANK WAPANDA MITI 200 SHULE YA WASICHANA YA DAR ES SALAAM

Posted on: October 9th, 2024

Ikiwa ni Maadhimisho ya wiki ya  huduma kwa mteja ambayo imeanza jumatatu  ya tarehe 7 Oktoba, 2024  Bank ya KCB kwa kushirikiana na Taasisi ya Mazingira Plus wamepanda miti 200 ya matunda na vivuli katika Shule ya Sekondari ya wasichana ya Dar es salaam  iloyopo kata ya Kwembe.

Akikabidhi miti hiyo tarehe 9 oktoba,2024  Operation Manager kutoka KCB tawi la Buguruni Ndg. Evance Charles amesema kuwa katika kuadhimisha wiki ya huduma kwa kushirikiana na Taasisi ya Mazingira Plus imeamua kutembelea Shule mbalimbali ambapo na Ubungo wametembelea shule hiyo na  kuleta miti ya matunda na kivuli  ikiwa ni lengo la kupendezesha shule pamoja na kuweka mazingira safi.

"Miti hii 200 tunamkabidhi mwalimu mkuu kwa ajili ya kuisimamia iweze kukua vizuri" aliongeza Evance

Akipokea miti hiyo Afisa Mazingira Manispaa ya Ubungo Boaz Maingu amewashukuru KCB pamoja na Mazingira Plus kwa kuwezesha miti hiyo ambayo inaenda kuleta matunda , kusaidia katika kuzuia mabadiliko ya tabia ya nchi na pia kupendezesha shule hiyo

"Ubungo tumepokea na tunawakaribisha sana ubungo muendelee kuja mara nyingine tena"alisema hayo Maingu

Akishukuru kwa niaba ya wanafunzi Asia Robert amewahukuru bank ya Kcb na mazingira plus kwa kushiriki katika zoezi la upandaji miti shuleni hapo na kuahidi kuilinda, kuisimamia iweze kukua na kuleta matunda pamoja na kupendezesha shule hiyo