KIKAO CHA LISHE ROBO YA PILI CHAFANYIKA-LISHE YAZIDI KUIMARIKA

Posted on: February 13th, 2025

"Lishe ni msingi wa jamii yoyote imara kwakuwa inapelekea watu kuwa na afya njema na wenye tija kwa taifa lao. Naipongeza kamati  ya lishe Manispaa ya Ubungo kwa kuendelea kutekeleza vema mkataba wa lishe kwa robo ya Oktoba - Desemba 2024"

Hayo yamesemwa na mganga mkuu wa Manispaa ya Ubungo Dkt. Tulitweni Mwinuka alipokuwa akimuwakilisha Mkurugenzi wa Manispaa hiyo katika kikao cha robo ya pili ya mwaka wa fedha 2024/2025 kilichoketi Leo Februari 12, 2025 katika ukumbi wa mikutano wa Manispaa ya Ubungo

Awali akiwasilisha taarifa hiyo afisa lishe wa Manispaa ya Ubungo Bi. Beatrice Mossile ameeleza kuwa kwa robo ya pili ya mwaka wa fedha 2024/25 mkataba wa LISHE kwa Manispaa ya Ubungo umetekelezwa kwa mafanikio kupitia utekelezaji wa afua zote za lishe

Aidha, Mossile ameeleza kuwa kwa kipindi cha robo ya pili 2024/2025 fedha iliyotengwa ilikua ni milioni 62.7 ambapo pesa iliyotumika ni milioni 36 sawa na asilimia 57

Vilevile wajawazito 35,000 waliongezewa madini ya chuma huku wazazi 38,000 wakipatiwa unasihi wa lishe sawa na asilimia 99 ya wazazi wote ambao walihudhuria vituo vya Afya kwa robo hiyo

Kwa Upande wa huduma ya chakula mashuleni kwa Wanafunzi, jumla ya shule za msingi na sekondari 288 kati ya shule 298 zilitoa huduma ya chakula mashuleni sawa na asilimia 98 za shule zote za msingi na sekondari za Manispaa ya Ubungo

Mwisho, kamati ya lishe imeazimia kuongeza huduma ya kupima Hali ya lishe katika Vituo vya huduma za lishe na matibabu ya utapiamlo