KIKAO CHA TATHMINI YA LISHE KWA ROBO YA TATU MWAKA WA FEDHA 2024/25 (JANUARI - MACHI 2025)

Posted on: June 20th, 2025

Kwa robo ya tatu ya mwaka wa fedha 2024 - 2025 (Januari - Machi 2025) huduma mtambuka za lishe zimeendelea kutolewa katika ngazi ya vituo vya huduma za afya katika jamii na katika kaya kwa kushirikiana na idara mtambuka

Akieleza tathmini ya huduma za lishe afisa lishe wa Manispaa ya Ubungo Beatrice Mossile ameeleza kuwa kwa kipindi cha robo ya tatu ya mwaka wa fedha 2024/2025 huduma za chakula katika shule za msingi na sekondari zimetolewa kwa asilimia zaidi ya 90 huku huduma ya elimu Bora ya lishe kwa mama wajawazito na watoto chini ya miaka mitano katika kata ilifanyika na watoa huduma wa jamii katika mitaa yote

"Jumla ya kaya 6,170 zilifikiwa kati ya 6,702 zilizopangwa sawa na asilimia 92.1. Aidha idadi ya watoto iliyoibuliwa na Hali ya lishe duni imeongezeka katika kata ya Saranga" alisema Mossile

Sambamba na Hilo mkataba wa huduma za lishe kwa robo ya tatu ya mwaka wa fedha 2024/2025 umefanikiwa kuanzishwa kwa wadi za watoto katika hospital ya wilaya ya Ubungo na hospital ya Sinza ili kuwezesha matibabu ya watoto wenye utapiamlo

Nae mganga mkuu wa wilaya ya Ubungo Dkt. Aristides Kalokola Ameweka msisitizo kwa watendaji wa kata kufanya vikao na hamasa mbalimbali kwa wananchi juu ya umuhimu wa lishe Bora hasa kwa Wanafunzi wa shule zote za msingi na sekondari ndani ya Manispaa ya Ubungo