KIKOSI KAZI CHA MAZINGIRA CHAINGIA KAZINI

Posted on: February 3rd, 2024

Kikosi kazi cha udhibiti wa uharibifu wa mazingira katika maeneo ya Mito na mabonde cha Manispaa ya Ubungo kimeingia kazini kukabiliana na wale wote wanaoharibu mazingira kwa uchimbaji holela wa madini ya ujenzi hasa mchanga  mchanga katika maeneo yaliyokatazwa ambayo ni hatarishi kwa ustawi wa makaxi ya watu

Kikosi hicho kimeingia kazini kuanzia Januari 01, 2024 kikiongozwa na mkuu wa kitengo cha maliasili na uhifadhi wa mazingira Nice Vahaye ambapo ametoa rai kwa wananchi wote wa Manispaa ya Ubungo hasa wale wanaoishi pembezoni ya mito na mabonde kutoa ushirikiano kwa maafisa wa serikali kwa kutoa taarifa mapema juu ya wahalifu hao ili hatua kali za kisheria zichukuliwa dhidi yao

Watu wote watakaobainika kufanya shughuli za uharibifu wa mazingira kwa kuchimba mchanga kiholela adhabu yao ni pamoja na kufungwa miezi 6 mpaka 12 jela au faini ya kuanzia shilingi laki tano mpaka milioni 50

Oparesheni hii ni endelevu kwa siku zote lengo ikiwa ni kuhakikisha shughuli hizo haramu na hatari kwa mustakabali wa mazingira zinakoma ili kupunguza madhara yanayotokana  mabadiliko ya tabianchi ikiwemo uwepo wa mvua kubwa zinazosababisha makazi kuharibika na kusombwa na maji