KUELEKEA MIAKA 59 YA MUUNGANO WA TANGANYIKA NA ZANZIBAR

Posted on: April 24th, 2023

Maadhimisho ya sherehe za miaka 59 ya Muungano wa Tanganyika na Zanzibar kwa mwaka huu 2023, yanafanyika katika ngazi ya mikoa kwa kufanya shughuli mbalimbali za kijamii na kiuchumi.

Kwa mwaka 2023 shughuli za maadhimisho hayo zitaambatana na uzinduzi wa miradi ya maendeleo, shughuli za kijamii hususani upandaji wa miti, usafi wa mazingira na mashindano mbalimbali ya michezo.

Shughuli zingine ni kufanya mahojiano na wazee maarufu, midahalo na makongamano na hatua ya maendeleo iliyofikiwa hadi sasa.

Majengo yote ya Serikali yatapambwa kwa vitambaa vyenye rangi sahihi za bendera ya Taifa.

Kauli mbiu ya maadhimisho ya sherehe za miaka 59 ya Muungano wa Tanganyika na Zanzibar mwaka huu ni UMOJA NA MSHIKAMANO, NDIYO NGUZO YA KUKUZA UCHUMI WETU.

#ubungoupdates

#ubungoyetufahariyetu

#sikukuuyamuungano2023

#miaka59yamuungano