KUMEKUCHA, WANANCHI MTAA WA MIDIZINI WAFANYA USAFI KWA KISHINDO

Posted on: February 17th, 2024

Wakazi wa Mtaa wa midizini Kata ya Manzese waingia mtaani kufanya usafi, ikiwa ni baada ya Mtaa huo kuwa wa mwisho katika kampeni ya usafi ya KAUSAPEU (Kataa Uchafu, Safisha, Pendezesha Ubungo)  na kupewa bendera ya balozi wa Uchafu Ubungo.

Wakazi wa Mtaa huo wamefanya Usafi wa kusafisha mitaro, kusafisha  maeneo ya biashara na maeneo yaliyowazunguka  tarehe 17 Februali,2024 wakiongozwa na viongozi wa Serikali ya Mtaa huo

Akizungumza na wakazi wa Mtaa huo Mkuu wa kitengo Cha Udhibiti wa Taka Ngumu na Usafi wa Mazingira Manispaa ya Ubungo Lawi Bernad amewasisitiza wakazi wa Mtaa huo kuhakikisha mitaro yote inayowazunguka kusafishwa mara kwa mara hasa kwa kuacha kutiririsha maji machafu katika mitaro

"Ntakuja mara kwa mara na ntakapokuja dhumuni ni kuangalia kama usafi unaendelea kufanyika". alisisitiza Lawi

Lawi aliendelea kuwataka wananchi hao kuchangia fedha za kubeba taka na kuwataka kutambua usafi ni  jukumu la kila mmoja katika Mtaa wake na dhumuni ni kuweka mazingira yaliyozunguka  kuwa safi na salama

Alikadhalika mabalozi wa Mazingira wameshiriki usafi huo akiwemo  Lulu sadru sengulo.

Ikumbukwe kuwa, kampeni hiyo ni endelevu na kila baada ya miezi mitatu mshindi atatangazwa na Mtaa utakao kuwa wa mwisho utapata bendera ya Balozi wa Uchafu Ubungo.