MAAFISA UBUNGO WATOA CHANJO KWA NG"OMBE YA HOMA YA MAPAFU

Posted on: August 22nd, 2025

Katika kuhakikisha afya ya mifugo na kuinua kipato cha wafugaji, Halmashauri ya Manispaa ya Ubungo imeanza rasmi zoezi la utoaji wa chanjo dhidi ya ugonjwa wa homa ya mapafu kwa ng’ombe, maarufu kama CBPP.

Zoezi hilo limeanza katika Kata ya Kwembe ambapo zaidi ya ng’ombe 100 wamechanjwa katika siku ya kwanza, kwa mujibu wa Afisa Mifugo Bi. Happy Ngonya

Chanjo hiyo inatolewa kwa ruzuku ya Serikali ya Awamu ya Sita kwa gharama ya shilingi 500 kwa kila ng’ombe mwenye umri wa kuanzia miezi sita, huku maafisa mifugo wakitembelea wafugaji moja kwa moja bila gharama yoyote ya ziada.

Afisa Mifugo wa Manispaa ya Ubungo ambaye ni sehemu ya zoezi hilo Bw. Festo Mmary ametoa wito kwa wafugaji kujitokeza kwa wingi, akisema chanjo hiyo inalinda ng’ombe dhidi ya ugonjwa hatari wa mapafu.

Wafugaji waliopokea huduma hiyo akiwemo Bw. Elias Mbwambo wameishukuru Halmashauri kwa kuwawezesha kupata chanjo kwa urahisi na gharama nafuu, na wamewataka wenzao kuchangamkia fursa hiyo adimu.

Zoezi hili linatarajiwa kuendelea kwa muda wa wiki tatu.

Homa ya mapafu ya ng’ombe inayosababibishwa na vimelea vya Mycoplasma mycoides subsp hushambulia mapafu na kusababisha homa na ugumu wa kupumua kwa ngombe.