MAAFISA UGANI MANISPAA YA UBUNGO WAPEWA MAFUNZO REJEA KUHUSU MFUMO WA MOBILE - KILIMO( M-KILIMO)

Posted on: September 2nd, 2021

Mkurugenzi wa Manispaa ya Ubungo Beatrice Dominic leo tarehe 2 septemba,2021  amefungua mafunzo elekezi kwa maafisa Ugani yaliyofanyika kwenye ukumbi wa mikutano wa Manispaa hiyo   yenye lengo la kuwaongezea ujuzi na ustadi Kuhusuana na  mfumo wa MOBILE- KILIMO (M-kilimo) teknolojia ya kutumia simu ambao unalenga kusaidia wakulima,wafugaji na wavuvi kuyafikia masoko ya mazao kwa njia ya simu

Akiongea wakati wa kufungua mafunzo hayo   Beatrice amewataka maafisa Ugani hao kuhakikisha kila mmoja wao anazingatia mafunzo hayo  na baada ya kuwezeshwa waweze   kujengea uwezo Kaya 10  kuhusuana na maswala ya kilimo 

"Ni Fursa kwenu Kama maafisa Ugani wa mjini kuhamasisha kilimo hata Cha mbogamboga  Katika Kaya ili kilimo kiweze kuendelea na kukua" alielezea Beatrice 

Aidha muwezeshaji kutoka Katika Ofisi ya Mkuu wa Mkoa Omari  Rajabu ameelezea mchango wa kilimo kwa taifa  ikiwemo kuongeza Pato la taifa 26.9% , ajira 58.1%, chakula Cha taifa 100% 

Aliendelea kwa kuwajengea uwezo wataalam hao namna sahihi  kutumia mfumo huo wa M-kilimo

Nae Mkuu wa Idara ya  kilimo,umwagiliaji na ushirika  Manispaa ya Ubungo Happiness Mbelle amemshukuru muwezeshaji na kuwataka maafisa Ugani kuzingatia mafunzo hayo na kuhakikisha wanayafanyia kazi hasa Katika swala la matumizi ya mfumo   yatayochochea tija Katika sekta ya kilimo

N.B Mafunzo hayo elekezi yaliyoanza leo  yatakafanyika kwa muda wa siku mbili na kumalizika kesho tarehe 3,septemb,2021

Attachments area