MAAFISA UGANI MANISPAA YA UBUNGO WAPIGWA MSASA KUHUSU MFUMO WA MOBILE KILIMO(M-KILIMO)

Posted on: March 26th, 2021

Maafisa ugani Manispaa ya Ubungo  wapatiwa mafunzo ya kutumia  mfumo wa kieletroniki wa Mobile Kilimo(M-Kilimo) wa Wizara ya Kilimo unaotoa huduma za ughani na masoko kwa wakulima,wavuvi na wadau mbalimbali wa sekta ya Kilimo kwa kutumia simu ya mkononi.

Mafunzo hayo yamefanyika  tarehe 25/3/2021 katika ukumbi wa mikutano uliopo Manispaa ya Ubungo- luguruni jijini Dar es salaam ukihusisha maafisa kilimo walioko ngazi ya Kata na makao makuu

Lengo la mafunzo hayo  ni kutatua changamoto ya uhaba wa maafisa ugani na kutatua changamoto ya upatikanaji wa masoko ya mazao ya kilimo, mifugo na  pia  kuwaunganisha wakulima,wafugaji, wavuvi na wadau wengine wa sekta ya kilimo

Aidha muwezeshaji kutoka wizara ya kilimo  Ndg.Rajabu  Omary alisisitiza mafunzo hayo yanafaida kwa maafisa ugani kwani hurahisisha mawasiliano kati yao na  mkulima,mfugaji na mvuvi na husaidia wakulima na wafugaji kuyafikia masoko ya mazao kwa urahisi pia kuwaunganisha wakulima,wafugaji,wavuvi na wadau wa Sekta ya kilimo katika mnyororo wa thamani

Sambamba na hayo Mobile Kilimo(M-Kilimo) ni jukwaa la mawasiliano linalowaunganisha wakulima,wafugaji,wavuvi na maafisa ughani kwa njia ya ujumbe mfupi wa simu vilevile jukwaa hili linawezesha wafugaji,wakulima, wavuvi na wafanya biashara mbalimbali kutangaza biashara na kutafuta masoko kwa kutumia simu ya mkononi