MABINTI WAASWA KUJIWEKEA MALENGO NA KUJITUMA ILI KUTIMIZA NDOTO ZAO

Posted on: November 15th, 2025

Mtandao wa Mabinti wanaonufaika na ufadhili wa masomo wa shirika la CAMFED, CAMA (Camfed Association) Wilaya ya Ubungo  Novemba 15, 2025 wamefanya mkutano Mkuu wa Mwaka kwa kusherehekea mafanikio ya kila mmoja wao na kupeana Hamasa zaidi katika Kujikwamua kiuchumi.

Mkutano huo umefanyika katika Ukumbi wa Cape diem Mabibo, ukiwakutanisha mabinti takribani 200 ambao ni sehemu ya wanufaika wa ufadhili wa elimu kutoka Camfed waliohitimu na wanaondelea na masomo shule za sekondari na Vyuo vikuu.

Akisoma risala kwa mgeni rasmi Mwenyekiti Mwajuma Idrisa, Amesema Kupitia programu ya CAMFED na mtandao wa CAMA, wamepata elimu pana isiyokuwa ya darasani pekee bali pia wamejifunza ujasiriamali na stadi za maisha (life skills), uongozi na ujasiri wa kijinsia, elimu ya afya na ulinzi wa mtoto wa kike, na maadili ya uzalendo na uwajibikaji katika jamii. Elimu ambayo imewasaidia kujitambua, kujitegemea, na kuwa mabalozi wa mabadiliko chanya katika familia na jamii.

“Kauli mbiu yetu kwa mwaka huu ni “Archiving more girls support, Archiving together” Wengi wetu sasa tumejiunga na vikundi vya ujasiriamali, tunawashauri wasichana walioko mashuleni, na tunashiriki kikamilifu katika shughuli za kijamii kama usafi, upandaji miti, na elimu ya afya ya uzazi kwa vijana.Lakini pia shirika linatupatia mitaji na mikopo isiyo na riba ili tujikwamue katika wimbi la umasikini ” Mwajuma.

Mgeni Rasmi Ndg. Voster Mgina, Afisa Elimu Sekondari wa Manispaa ya Wilaya ya Ubungo, Akizungumza na mabinti waliokusanyika amewapongeza kwa kujituma kufanya shughuli za maendeleo na kuwasihi waendelee kuwalea wadogo zao waliopo masomoni wanaofadhiliwa na CAMFED. “Kwa Jitihada mnazoweka kwenye shughuli zenu, niwakumbushe kujiwekea malengo, kujiamini na kusimamia misingi ya malezi mliyopewa na mtafika mbali sana. Mimi nawaunga mkono kwa kuwalipia Ukumbi kwaajili ya Mkutano mkuu wa mwaka 2026 na kuwasimamia katika mpango wa kupata mikopo ya asilimia 10 ya Halmashauri”.

Mtandao wa CAMA Wilaya ya Ubungo hadi sasa una wanachama hai 2000. Mkutano huo umehitimishwa kwa kutoa pongezi kwa Mgeni rasmi, Mratibu wa CAMFED Wilaya na viongozi