MADIWANI UBUNGO WAHIMIZA MIRADI KUTEKELEZWA KWA WAKATI

Posted on: May 5th, 2021

Baraza la Madiwani Manispaa ya Ubungo limewata wataalamu wa Manispaa  hiyo kuhakikisha miradi inayotekekezwa inakamilika kwa wakati  ili iweze kuwanufaisha wananchi na kutatua kero mbalimbali.

Baraza limetoa kauli hiyo   kwenye mkutano wake  uliofanyika tarehe 5 Mei, 2021 kwa ajili ya kujadili taarifa za utekelezaji wa shughuli mbalimbali zilifanyika Kwa kipindi cha mwezi januari hadi Machi  mwaka huu na kueleza kuwa wataalamu lazima kuzingatia muda wa utekelezaji wa miradi  ili ilete  tija kwa wananchi

Waheshimiwa madiwani wakijadili jambo kwenye mkutano wa Wakey wa idea 

Wakichangia kwa nyakati tofauti, Madiwani hao wamesema  kuwa miradi  ikikamilika Kwa wakati inasaidia kusogeza karibu huduma kwa wananchi na kuondoa kero  kwa wananchi.

Manispaa ya ubungo inatekeleza miradi mbalimbali ikiwemo ujenzi wa Hospitali ya Wilaya na upanuzi wa Hospitali ya Sinza na kituo cha afya kimara miradi ambayo ipo hatua mbalimbali za utekelezaji.

Aidha  katika Baraza hilo, wajumbe pamoja  na ukusanyaji wa mapato  kufikia asilimia 77 hadi mwezi Machi mwaka huu, wamesitiza menejimenti kuongeza kasi ya ukusanyaji wa Mapato pamoja na kubuni vyanzo vipya vya mapato kwani mapato ndio yatawezesha Manispaa  kuboresha Huduma mbalimbali Kwa wananchi ikiwemo utekelezaji wa miradi ya maendeleo